«Չափազանց մեծ ուշադրություն տեսա մեկ զորակոչիկի հանդեպ, որը, կարծում եմ, իր ընկերներին…նա հավասար է: Մոտեցումը պետք է հավասար կլինի»,-ՀՀ կենտրոնական զինվորական հավաքակայանում այսօր լրագրողների հետ ճեպազրույցում ասաց Պաշտպանության նախարար Դավիթ Տոնոյանը՝ անդրադառնալով այն փաստին, որ Նիկոլ Փաշինյանի որդին՝ Աշոտ Փաշինյանը զորակոչվեց բանակ, լրատվամիջոցներն էլ լուսաբանեցին գործընթացը: Տոնոյանի խոսքով՝ իր որդին էլ է շուտով զորակոչվելու եւ ինքն աշխատելու է նման ուշադրություն թույլ չտալ:
Այնուհետեւ նախարարը հայտարարեց. «Այսուհետեւ ավելի շատ կլինի նախկինում չզորակոչվածների թիվը: Հնարավոր է՝ նաեւ խոշոր գործարարների որդիներ զորակոչվեն»:
Դավիթ Տոնոյանը մեկնաբանեց նաեւ փաստը, որ ՀՀ Ոստիկանության նորքին զորքերն առաջիկայում մեկնելու են Արցախ՝ ծառայելու. «Անհրաժեշտություն է առաջացել, որովհետեւ հետաքրքիր լուծումներ են լինելու՝ մարտական հերթապահության հետ կապված: Ոստիկանությունն ընդդիմանալու իրավասություն եւ տրամադրվածություն չունի կարծում եմ»:
Տոնոյանը խոսեց նաեւ վերջերս ՊՆ-ում բացահայտված վառելիքի յուրացման դեպքի մասին: Նա չցանկացավ նշել, թե ինչու նախկինում չէր պարզվում այդ հանգամանքը. «Միայն կխոսեմ այն մասին, թե հիմա ինչ է կատարվում՝ իմ նշանակումից սկսած: Նախաքննության մարմինները զբաղվում են խնդրով»:
Լուիզա ՍՈՒՔԻԱՍՅԱՆ
Նախ բոլոր լրատվամիջոցները իրար հերթ չտալով լուսաբանեցին Փաշինյանի որդու զորակոչվելը, հետո նույն ջանասիրությամբ՝ պաշտպանության նախարարի հորդորը կամ դժգոհությունը մեկ զորակոչիկին չափից ավելի ուշադրություն դարձնելուն: Մի լրագրող էլ այնքան հեռու գնաց, որ՝ «թող խոսեն, ես էլ Քյարամ Սլոյանի մասին կխոսեմ»(Հրապարակ): Լրատվությունը այս աստիճանի էժան ու անորակ չպետք է լինի: