Քիչ առաջ մահացել է ամերիկահայ մեծ բարեգործ Հովհաննես Օյունջյանը։ Մեր այս տեղեկությունը հաստատեցին Գյումրի բժշկական կենտրոնից։ Նա մի քանի օր է՝ գտնվում էր այս հիվանդանոցում, երկարատև խրոնիկ հիվանդություն է ունեցել։
Հիշեցնենք, որ նա ընդամենը երեք օր առաջ իր ծննդյան 98 ամյակին Տեքստիլագործների թաղամասում հերթական ներդրումն արեց այս քաղաքում՝ անձամբ մասնակցելով ֆիլհարմոնիայի դահլիճի հիմնարկեքի արարողությանը։
Բժիշկը իր ողջ կարողությունը ներդրել է հետերկրաշարժյան Գյումրու զարգացման համար՝ կառուցելով դպրոց, արհեստի ու արվեստի կենտրոն։ Նա իր հոգին տվեց հայրենիքում՝ իր իսկ սիրած քաղաքում։ Ինչպես նրա ծննդյան օրը նշեց «Օյունջյան» հիմնադրամի տնօրեն պարոն Լաճիկյանն, ամերիկացի բժիշկները նրան արգելել էին ինքնաթիռ նստել, սակայն նա հերթական բարեգործությունն անելու նպատակով մի կերպ հասել էր հայրենիք։
Նունե ԱՐԵՎՇԱՏՅԱՆ
Բժիշկ Օյունջյանի անկոտրուն կամքը եւ իրական հայրենասիրությունը մեզ բոլորիս համար ուղենիշ է՝ անկեղծ սիրելու մեր հայրենիքը եւ մարդկանց: Ծնված լինելով Հայաստանից դուրս, կրթություն ստացած հեռավոր երկրում, նա, այնուամենայնիվ, իր հոգին ու կյանքն անմնացորդ նվիրեց իր Հայաստանին: Գյումրին մշտապես վառ կպահի բժիշկ Օյունյանի հիշատակը: