Ռուսաստանն ունի լծակներ` կանխելու տարածաշրջանում ռազմական գործողությունների վերսկսումը: Կառավարությունում ընթացող մամուլի ասուլիսում, պատասխանելով Aravot.am-ի հարցին, ասաց վարչապետ Նիկոլ Փաշինյանը, հավելելով, որ ինքը չի ցանկանում հավատալ, թե ՌԴ-ն իր այդ լծակները չի օգտագործի: Վարչապետը համամիտ չէր մեր դիտարկմանը, որ ՀՀ եւ ՌԴ անվտանգության խորհրդի քարտուղարների հանդիպումից պարզ դարձավ, որ ՌԴ-ն ցանկանում է վերակենդանացնել տխրահռչակ «լավրովյան պլանը», եւ դա մերժելու պարագայում Հայաստանին սպառնում է պատերազմով:
Օրեր առաջ վարչապետը խոսել էր սահմաններին ռազմաքաղաքական լարվածության մասին: Հետաքրքրվեցինք`օրեր են անցել, լարվածության փոփոխության ի՞նչ դինամիկա կա: Նիկոլ Փաշինյանը պատասխանեց, որ ամեն օր լարվածությունը մի քիչ կարող է ավելանալ-պակասել, կրակոցները մի օր կարող են շատ լինել, մի օր` քիչ, դա ոչինչ չի նշանակում, ընդհանուր ռազմաքաղաքական լարվածությունն է մեծ:
Նելլի ԳՐԻԳՈՐՅԱՆ
«Նիկոլ Փաշինյանը չի հավատում, որ ՌԴ-ն ՀՀ-ի դեմ պատերազմ կսանձազերծի»…
wow…
Այս աստիճանի միամտութիւն, երեխայութիւն՝ երկրի գերագոյն ղեկավարին կողմէ, ուղղակի վախնալիք է: Զարհուրելի:
Պակաս է որ Superman-ի տարազ հագուի, գործի երթալու համար: Կամ ել Jedi-ի…