ԱԺ-ում կառավարության ծրագրի իրականացման ընթացքի մասին զեկույցի քննարկման ժամանակ ԲՀԿ պատգամավոր Նաիրա Զոհրաբյանը վարչապետ Նիկոլ Փաշինյանին հարցրեց՝ Վիեննայում Ադրբեջանի նախագահի հետ հանդիպման օրակարգը ո՞րն է, հնարավո՞ր է օրակարգը մադրիդյան սկզբունքների երկու կողմերի մեկնաբանությունն է: Փաշինյանը դեռ տեղեկացված չէր, որ հանդիպումը պաշտոնապես հաստատվել է: Նա ասաց, որ «նախնական պայմանավորվածություն կա, մենք համաձայնությունը տվել ենք, ուղղակի քանի դեռ ԵԱՀԿ Մինսկի խումբը չի հայտարարել հանդիպման տեղի եւ ժամի մասին, ես հայտարարություն չեմ անի»:
Ինչ վերաբերում է օրակարգին, Փաշինյանն ասաց, որ նախկինում էլ Ալիեւի հետ շփումների ժամանակ ասել է, որ սկզբնական փուլում հանդիպումները պետք է կոնկրետ օրակարգ չունենան, ուղղակի մտքեր պետք է փոխանակեն տարբեր հարցերի վերաբերյալ. «Ինչ հայտարարել եմ Ստեփանակերտում անվտանգության խորհուրդների համատեղ նիստում, դա, ըստ էության, այն օրակարգն է, որով մենք գնում ենք բանակցությունների»:
Նաիրա Զոհրաբյանը հստակեցրեց, այսինքն, Արցախը բանակցություններին ներգրավելու վերաբերյալ մտքեր կփոխանակվե՞ն՝ Փաշինյանը հաստատեց՝ հավելելով, որ դա բանակցային ձեւաչափի փոփոխության առաջարկ չէ:
Կարդացեք նաև
Հռիփսիմե ՋԵԲԵՋՅԱՆ
