Մարտի 29-ին ԵՊԼՀ արգենտինական կենտրոնում տեղի ունեցավ Կրթության և մասնագիտական մանկավարժության ֆակուլտետի «Մանկավարժության և լեզուների դասավանդման մեթոդիկայի» ամբիոնի մի խումբ ուսանողների մանկավարժական պրակտիկայի ամփոփումը:
Ուսանողներն իրենց խոսքում երախտագիտության և շնորհակալության խոսքեր հղեցին իրենց դասախոսներին, մեթոդիստներին, ինչպես նաև ջերմ ընդունելության համար ողջունեցին Արմեն Հովհաննիսյանի անվան թիվ 194 դպրոցի անձնակազմին, որտեղ էլ անցել էր իրենց մանկավարժական պրակտիկան:
ԿՄՄ ֆակուլտետի փոխդեկան և ուսանողների մանկավարժական պրակտիկայի մեթոդիստ Իռեն Մադոյանը և «Մանկավարժության և լեզուների դասավանդման մեթոդիկայի» ամբիոնի վարիչ Լուիզա Միլիտոսյանն իրենց խոսքում բարձր գնահատեցին ուսանողների ներգրավվածությունը դպրոցական պրակտիկային, ինչպես նաև նրանց պատրաստակամությունը՝ ստացած գիտելիքներն ու փորձը լավագույնս փոխանցելու հաջորդ սերնդին:
Թիվ 194 դպրոցի ուսումնական գծով փոխտնօրեններից Լուսինե Մաթևոսյանն էլ շեշտեց, որ, ինչպես միշտ, Վ. Բրյուսովի անվան պետական լեզվահասարակագիտական համալսարանի ուսանողները փայլում են իրենց պատրաստվածությամբ ու աշխատասիրությամբ:
Կարդացեք նաև
ԵՊԼՀ ՀԱՆՐԱՅԻՆ ԿԱՊԵՐԻ ԲԱԺԻՆ
