Գլխավոր դատախազությունը որոշել է վերսկսել Պռոշյանի նախկին գյուղապետ Հրաչ Մուրադյանի սպանության գործի քննությունը: Այդ մասին հայտարարել է ՀՅԴ-ն, որին գլխավոր դատախազությունն ասել է, որ կան գործի վերաբերյալ նոր տեղեկություններ, որոնք թույլ են տալիս թափ հաղորդել քննությանը:
Դատախազությունն այդպիսով փորձում է որեւէ կերպ բավարարել ՀՅԴ հավակնությունն ու մեղմել բողոքի հնարավոր դրսեւորումներն ու ակցիանե՞րը, ավելորդ քաղաքական աղմուկ եւ ավելորդ լարվածության առիթ չստեղծելու համար, առանց այդ էլ բազմաթիվ առիթների առկայության պարագայում: ՀՅԴ-ն օրեր առաջ՝ ապրիլի 2-ին, դատախազության դիմաց բողոքի ակցիա էր արել եւ պահանջել քայլեր սպանության բացահայտման ուղղությամբ, որը տեղի էր ունեցել դեռեւս 2013-ին: Թե՞ ՀՅԴ-ն ու դատախազությունը անակնկալ են պատրաստել ՀՀԿ-ին, այսպես ասած՝ նախկին իշխանությանը, հաշվի առնելով այն, որ հենց այդ շրջանում է կատարվել սպանությունն ու մնացել չբացահայտված:
Արամ ԱՄԱՏՈՒՆԻ
Հոդվածն ամբողջությամբ՝ «Ժամանակ» օրաթերթի այսօրվա համարում:
