Aravot.am-ը ֆրանսահայ Արմեն Ջաբուղյանից հետաքրքրվեց` ինչպե՞ս է վերաբերվում Սփյուռքի նախարարության օպտիմալացմանը եւ ունի՞ որեւէ առաջարկ:
Մեր հայրենակիցը, որին Լիոնում հանդիպեցինք, ասաց, որ Նիկոլ Փաշինյանը չպետք է վախենա, պետք է առաջ գնա եւ կառավարության անդամների մեջ անպայման սփյուռքահայ ընդգրկի: Նրա ձեւակերպմամբ, եթե այդ մարդը Սփյուռքում կրթված, մեծացած լինի, սփյուռքահայերի մեջ վստահություն կունենան եւ կկարողանա գործարար սփյուռքահայերին ուղղորդել, որ ներդրումներ անեն Հայաստանում:
Արմեն Ջաբուղյանը կարծիք հայտնեց, որ ֆինանսական միջոցների սղության պատճառով է վարչապետ Փաշինյանը գնացել կառավարության կառուցվածքի փոփոխությանը, այդ թվում` Սփյուռքի նախարարության օպտիմալացմանը: Ֆրանսահայը հավելեց, որ երբ առաջին անգամ Փաշինյանը հանդիպել է Եվրոպայի հայության հետ, իր տպավորությամբ, հուսախաբ է եղել, որովհետեւ ակնկալվող ներդրումները չեղան:
«Փաշինյանը հավանաբար չգիտի, որ Ամերիկան եւ Եվրոպան առաջվա Մոսկվային պես չեն, նույն սիսթեմը չէ… Կըսեն դուն ավելին ըրե, որ մենք էլ ավելին տանք»,-ընդգծեց մեր զրուցակիցը:
Կարդացեք նաև
Նա նաեւ վստահ է, որ Փաշինյանի կառավարությունն, այնուամենայնիվ, կհաջողի, քանի որ մթնոլորտ է փոխվել, մարդիկ էլ լավատես են դարձել:
Գոհար ՀԱԿՈԲՅԱՆ
հա, պիտի տանք, պիտի տանք, պիտի տանք, տարիներով պիտի տանք ու միայն տանք
դուք ալ, պարբերաբար, մի քանի ամիսների մէջ, եղածն ու չեղածն ալ պիտի քանդէք, եւ տեւաբար իրարու միս ուտէք
basta
Մենք ենք Տէրերը Մեր Սփիւռքին
Երկար դիտեցի իր նկարը և ի վերջոյ ստուգեցի որ այս պատուական անձը իմ ծանօթ և պատուական անձն է
Արմէն ՃԱՊՈՒՐԵԱՆԸ – ՛՛Ջաբուղյան՛՛ այլանդակութիւնը ուսկից բուսաւ ? Գոնէ մեր անունները խնայեցէք ; Ճանչցայ նաև ուրիշ թանկագին ընկեր մը որ մերժեց ընդունիլ իր հայկական անցագիրը ուր իր ծննդեան ԺԱԳ անունը դարձուցած էին ՛՛ԺԱԳՈՒԻՍ՛՛ – Jacques ???