Եվրամիության խորհուրդը հավանություն է տվել Թուրքիայի դեմ պատժամիջոցներ սահմանելուն՝ կապված բացառապես Կիպրոսի տնտեսական գոտում շելֆի հորատման աշխատանքների հետ: Այս մասին ասվում է ԵՄ տարածած հաղորդագրության մեջ:
Մասնավորապես, նշվում է, որ Եվրամիությունը կդադարեցնի բանակցություններն օդային փոխադրումների շուրջ և կչեղարկի ԵՄ-ի և Թուրքիայի միջև բարձր մակարդակով մի շարք խորհրդակցություններ, ինչպես նաև կկրճատի Եվրամիությանն անդամակցելուն նախապատրաստվելու համար այդ երկրին տրամադրվող օգնության ծավալը: Բացի այդ, եվրոպական ներդրումային բանկին առաջարկվել է վերանայել իր վարկային գործունեությունը Թուրքիայում, հատկապես պետական աջակցությամբ վարկավորումների ոլորտում:
Պաշտոնական Անկարան արդեն պատասխանել է պատժամիջոցներին՝ հայտարարելով, որ չի պատրաստվում դադարեցնել աշխատանքները:
«Թուրքիան կշարունակի պաշտպանել իր և Կիպրոսի թուրքերի իրավունքները, ինչպես նաև կակտիվացնի որ գործունեությունն այդ ոլորտում»,- ասվում է Թուրքիայի ԱԳՆ-ի տարածած հաղորդագրության մեջ:
Կարդացեք նաև
Բացառապես Կիպրոսի տնտեսական գոտում գտնվող շելֆում կան նավթի և գազի մեծ պաշարներ: Թուրքիան երկար տարիներ վիճարկում է սահմանի այդ հատվածը:
Մայիսին Թուրքիան շելֆի տարածք էր ուղարկել հորատիչ նավ՝ երկրաբանահետախուզական աշխատանքներ իրականացնելու համար՝ հայտարարելով, որ դրանք կտևեն չորս ամիս: Չնայած ԱՄՆ-ի և ԵՄ-ի կոչերին՝ հրաժարվել հորատումից, հուլիսի սկզբին Անկարան այդ շրջան ուղարկեց ևս մեկ նավ:
Պատրաստեց՝ Վիկտորյա ԱՆԴՐԵԱՍՅԱՆԸ
