«Մենք դեմ ենք ցանկացած տեսակի բռնության`անկախ սեռից, բայց մենք պետք է հասկանանք, թե այդ բռնության արմատներն ինչի՞ց են գալիս. կրթական ցե՞նզ, սոցիալական խնդիրնե՞ր, հոգեկան շեղումնե՞ր, մարդու բնո՞ւյթ: Չի կարելի բոլորը տեղավորել մեկ կոնվենցիայի դրույթների մեջ: Մեր «Քրեական օրենսգիրքը» լավ կարգավորված է, եւ կոնվենցիայի այն պահանջը, որ պետք է քրեականացնել բռնությունը, մենք ունենք շատ վաղուց: Որեւէ խնդիր մենք էստեղ չունենք»,- «Առավոտի» հետ զրույցում ասաց ԱԺ պետաիրավական հարցերի հանձնաժողովի նախկին նախագահ Հովհաննես Սահակյանը`անդրադառնալով վերջին շրջանում աղմուկ բարձրացրած Ստամբուլյան կոնվենցիային:
«Նաեւ`մեր հասարակությունն արդեն բավական ազատ է եւ կարողանում է իր խնդիրները լուծելու նպատակով զանգահարել համապատասխան իրավապահ մարմիններին եւ պահանջել խնդրի կարգավորում: Ես կարծում եմ, կոնվենցիայի`այս տեսքով վավերացումն, ազգային անվտանգության սպառնալիք է: Երբ հասարակությունն առավել խորն ուսումնասիրի կոնվենցիան` կմերժի այն»,- հավելեց մեր զրուցակիցը:
Զրույցի այլ մանրամասները կարդացեք այստեղ։
Կարդացեք նաև
ՆԵԼԼԻ ԳՐԻԳՈՐՅԱՆ
«Առավոտ» օրաթերթ, 20․07․2019 թ․
