Սյունիքի նախկին մարզպետ Սուրիկ Խաչատրյանը կոմայից դուրս է եկել, ապաքինվում է: Այս մասին Aravot.am-ին հայտնեց նրա փեսան՝ Էրիկ Համբարձումյանը:
«Երկար ժամանակ է պետք, որ բուժվի, ապաքինվի, բայց կոմայից դուրս է եկել: Հայաստանում չէ, դրսում է, դեռ տուն չեն տեղափոխել, հիվանդանոցում է: Սրտի խնդիր էր, սրտի վիրահատություն է տարել, դեռ երկար հիվանդանոցում կմնա»,- ասաց Էրիկ Համբարձումյանը:
Մեր հարցին, թե բժիշկներն ինչ են ասում նրա առողջական վիճակի մասին, մեր զրուցակիցը պատասխանեց. «Ինչ պետք է ասեն, ապաքինվում է, կվերականգնվի»:
Հիշեցնենք, որ ԱԺ նախկին պատգամավոր Սեյրան Սարոյանը երեկ լրագրողներին հայտնել էր, որ Սուրիկ Խաչատրյանը կոմայի մեջ է. «Շատ վատ առողջական վիճակում է, օպերացիա է տարել, թողեք էդ մարդն իրա մահով մեռնի, գործ չունեք, մեղք է, մինչեւ հիմա կոմայից դուրս չի եկել: Սիրտը թազա օպերացիա արեցին, կլապանը փակվել էր, լավ է` Փարիզում է եղել»:
Կարդացեք նաև
Արփինե ՍԻՄՈՆՅԱՆ
