Լրահոս
Օրվա լրահոսը

Ինչո՞վ են կինը եւ տղամարդը տարբերվում միմյանցից

Սեպտեմբեր 04,2019 12:00

Այսօր շատ է խոսվում տղամարդու եւ կնոջ հավասարության մասին, սակայն նրանց մեջ կան ակնհայտ բազմաթիվ տարբերություններ:

Կնոջ մաշկն ավելի բարակ է եւ չոր:

Հյուսվածքների առանձնահատուկ կառուցվածքի եւ պրոգեստերոնի հորմոնի շնորհիվ կնոջ մաշկն ավելի արագ է ձգվում, քան տղամարդունը:

Կնոջ սիրտն ավելի փոքր է եւ ավելի արագ է բաբախում:
Եթե տղամարդու սրտի աշխատանքը միջինը 72 հարված է, կնոջինը բաբախում է 90 անգամ: Կնոջ սրտի ձախ պատն ավելի բարակ ու էլաստիկ է, այդ պատճառով էլ արյան ճնշման բարձրացումը կանանց համար համեմատաբար պակաս վտանգավոր է:

Կանանց մազարմատները գլխամաշկում 2 միլիմետր ավելի խորն են նստած:
Դրա համար էլ մազաթափությունը կանանց շրջանում պակաս ինտենսիվ է:

Տղամարդու գլխուղեղը գրեթե 14 %-ով ծանր է:
Մյուս կողմից՝ կանանց գլխուղեղի կիսդագնդերն իրար հետ կապված են երկու անգամ ավելի ուժեղ նյարդերով, ինչի շնորհիվ նրանք ավելի արագ են մտածում:

Եվրոպայում կանանց կյանքի միջին տեւողությունը վեց տարով ավելի է տղամարդկանցից:
Պատճառը, թերեւս, այն է, որ հորմոնալ առումով կանայք ավելի արագ են դուրս գալիս սթրեսային իրավիճակներից, ավելի քիչ յուղային սնունդ են ընդունում, քիչ են ծխում եւ ալկոհոլիզմն էլ նրանց շրջանում պակաս է:

Կանանց օրգանիզմում հեղուկի պարունակությունը 50-60 % է, տղամարդկանց օրգանիզմում այդ թիվը 60-70 % է:
Տղամարդու օրգանիզմում շրջանառվում է միջին հաշվով 4,5 լիտր արյուն, կնոջ օրգանիզմում՝ 3,6 լիտր:

Տղամարդիկ ավելի հակված են ինսուլտի եւ ինֆարկտի:
Պատճառը՝ նրանց արյունն ավելի թանձր է կանանց արյունից:

Ալկոհոլը կնոջ օրգանիզմին ավելի մեծ վնաս է հասցնում:
Պատճառը մասամբ այն է, որ կանանց քաշն ավելի փոքր է, մասամբ այն, որ նրանց օրգանիզմում բացակայում է մարսողության այն ֆերմենտը, որը չեզոքացնում է ալկոհոլը: Դրա հետեւանքով ալկոհոլի միեւնույն քանակությունը կանանց վրա 30%-ով ավելի է ազդում:

Կանայք տղամարդկանցից պակաս ագրեսիվ են:
Դա կապված է տեստոստերոնի հորմոնի հետ, ինչը տղամարդկանց օրգանիզմում 10 անգամ ավելի շատ է արտադրվում:

Տղամարդիկ սիրո անհաջողությունն ավելի հեշտ են տանում:
Տանջող հիշողություններից ձերբազատվելու համար տղամարդկանցից պահանջվում է մոտ երեք ամիս, մինչդեռ, կանայք կարոտի զգացումը պահպանում են շուրջ 15 ամիս:

Տղամարդուն օրական միջին հաշվով 700-ով ավելի կալորիա է անհրաժեշտ:
Տղամարդկանց մեջ նյութափոխանակությունն ավելի արագ է ընթանում եւ մարմնի ջերմաստիճանը որպես կանոն բարձր է:

Կնոջ օրգանիզմում ոսկու պարունակությունը վեց անգամ շատ է:
Դրա համար էլ մենք կանանց ոսկու գանձ ենք համարում:

Պատրաստեց՝ Աշոտ ՀԱԿՈԲՅԱՆԸ
«Առավոտ» օրաթերթ
03.09.2019

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2019
Երկ Երե Չոր Հնգ Ուրբ Շաբ Կիր
« Օգո   Հոկ »
 1
2345678
9101112131415
16171819202122
23242526272829
30