«Իմ քայլը» խմբակցության պատգամավոր Արթուր Մանուկյանն այսօր ԱԺ հայտարարությունների ժամին ՀՀ զինանշանի եւ զինանշանում տեղ գտած սխալների մասին խոսեց: Նա ասաց, որ սիմվոլիկ նշանները հստակ լեզու են, կարող են ընթեռնել ու հերալդիկայի՝ զինանիշագիտության մասնագետները բազմաթիվ սխալներ են տեսնում. «Երբ անվարժ նվագախմբով նվագում են ինչ-որ երկրի հիմն, տխուր պատկեր է ստացվում, այսինքն, մեր զինանշանը հնչում է ֆալշ, ըստ մասնագետների»:
Պատգամավորն ասաց, որ մասնագետների հետ է հանդիպել ու մտադիր է այս հարցը բերել օրակարգ ու շտկումները զինանշանում արվեն այնպես, որ լինի սահուն, թեթեւ, երաժշտական լեզվով ասած՝ «լեգատո»:
Հռիփսիմե ՋԵԲԵՋՅԱՆ
