Հայաստանի և Ադրբեջանի առաջնորդների կանայք հեռակա քննարկել են ղարաբաղյան հակամարտության հարցը՝ ակտիվացած դիվանագիտական նախաձեռնությունների ֆոնին, գրում է BBC-ն:
Հայաստանի և Ադրբեջանի առաջին տիկնանց երկխոսությունը սկսվեց այն բանից հետո, երբ Մեհրիբան Ալիևայի հետ առնչվող Տելեգրամ-ալիքում կոչ տարածվեց. «Մեր միակ երազանքն է լսել ադրբեջանական մուղամ ղարաբաղյան հողում»:
Չորեքշաբթի դրան արձագանքեց Հայաստանի վարչապետ Նիկոլ Փաշինյանի կինը՝ Աննա Հակոբյանը՝ Ալիևային հրավիրելով Ղարաբաղ:
Լարվածության թուլացու՞մ
Կարդացեք նաև
Ղարաբաղի վերաբերյալ երկու երկրների առաջնորդների կանանց հայտարարություններն առաջին փորձը չէ՝ մերձեցման համար տրամադրությունները շոշափելու, երկու երկրների միջև շփումներն ակտիվացնելու ուղղությամբ:
Բաքվի և Երևանի միջև բանակցություններն ակտիվացման Հայաստանում 2018թ. մայիսին իշխանության փոփոխությունից հետո: Երկու երկրների առաջնորդների հանդիպումը հանգեցրեց հակամարտության գոտում լարվածության թուլացման:
Հայաստանի և Ադրբեջանի պաշտպանության նախարարությունների միջև հաստատվել է կապի խողովակ, իսկ բախումների թիվը շփման գծում նվազել է:
Սեպտեմբերի վերջին 2001թ. հետո առաջին անգամ կողմերը լրագրողական փոխայց իրականացրին. ադրբեջանցի լրագրողներն այցելեցին Լեռնային Ղարաբաղ, որտեղ նրանց ընդունելության համար պատասխանատու էին այդ չճանաչված հանրապետության դե ֆակտո իշխանությունները:
Երկար ճանապարհ դեպի փոխզիջում
Այնուամենայնիվ, կողմերից ոչ մեկն ակնհայտ պատրաստակամություն չի հայտնում փոխզիջման վերաբերյալ:
Եվ վերջին շրջանում շփումների ակտիվացումը հազիվ թե հարաբերություններում բեկում առաջացնի, կարծում է ադրբեջանցի վերլուծաբան Լեյլա Ալիևան: Ըստ նրա՝ Ադրբեջանը կրկին դիմել է Ղարաբաղյան հակամարտությանը մի կողմից երկրի էլիտայի ներսում նկատվող գործընթացների, մյուս կողմից Հայաստանում Նիկոլ Փաշինյանի իշխանության գալու պատճառով:
Միաժամանակ, նա նկատել է, որ վերջին շրջանում շատերն են խոսում Ադրբեջանի և Ռուսաստանի մերձեցման մասին և որ դրանով հանդերձ Ռուսաստանը վերահսկում է իրավիճակը Ղարաբաղում:
Ալիևայի խոսքով՝ հրավերը առաջին հերթին հաշվարկված է Ղարաբաղի հայերի համար: Ադրբեջանական կողմը հազիվ թե կարողանա այն հասկանալ՝ հաշվի առնելով այսօր տիրող իրավիճակը:
Իր հերթին Հայաստանի ԱԺ պատգամավոր Նաիրա Զոհրաբյանը Ֆեյսբուքի իր էջում գրել է .«Կոչ եմ անում Ադրբեջանի փոխնախագահին ընդունել իմ մարտահրավերը և վստահ ասում եմ` ինքը Արցախում հաստատ մուղամ չի լսի, բայց ես խոստանում եմ Բաքվում Կոմիտաս լսել ու լսելու եմ»:
Պատրաստեց՝ Վիկտորյա ԱՆԴՐԵԱՍՅԱՆԸ