Օրերս «Դարան-Հայ Գիրք» գրախանութում տեղի ունեցավ գրական նորարարությունների դիմող գրող Էդուարդ Հարենցի «Լույսի նախդիրներ» գրքի շնորհանդեսը։ Քանի որ հեղինակը չի սիրում իր մասին խոսել, զրուցեցինք «Անտարես» հրատարակչության խմբագիր, գրականագետ Արքմենիկ Նիկողոսյանի հետ:
«Գիրքը նվիրված է հեղինակի եղբոր աղջկան՝ Միլենային։ Եվ այս գիրքը նրանով է յուրահատուկ, որ այստեղ բանաստեղծականցվել է հենց նրա խոսքը»,-ասաց գրականագետը։
Նրա ձեւակերպմամբ, հատուկ խոսքեր չեն նախատեսել, քանի որ ցանկանում են, որպեսզի այն մարդիկ, որոնք եկել են` Հարենցի ընկերները, հարազատները, նույնպես կարդան այդ գիրքը, հետո նոր կազմակերպվի գրքի քննարկում։
Արքմենիկ Նիկողոսյանը շեշտեց, որ Հարենցը այն եզակի գրողներից է, որի ստեղծագործություններում լույսը միշտ շատ է։
Կարդացեք նաև
Սիլվա ՆԱԶԱՐՅԱՆ
