Aravot.am-ն ահազանգ էր ստացել, որ 2020 թվականի հունվարի 1-ի առավոտյան «Մեհրաբներ» կոչվող զորամասում տասից ավելի զինվորներ դաժան ծեծի են ենթարկել 18/2 զորակոչի և 19/2 զորակոչի զինվոր եղբայրներին։ Մեր աղբյուրի պնդմամբ, ծեծը կանխամտածված է եղել։ «Ծեծի ենթարկողները հանդիսանում են արտոնյալ խավ։ Սա առաջին դեպքը չէ, զորամասում ծեծի ենթարկողները բոլորի մոտ անխտիր ստեղծել են վախի մթնոլորտ»,- պնդել է մեր աղբյուրը` մանրամասնելով, որ տեղի ունեցածը հրամանատարության կողմից անհավասար պայմաններ ստեղծելու, սպայական ցածր խստապահանջության, արտոնություններ տալու արդյունք է։
Ըստ տեղեկության, դեպքից հետո, երկար ժամանակ, զինվորներից մեկը եղել է ցնցումների մեջ, անգամ չի կարողացել քայլել։ Տուժած զինծառայողները տեղափոխվել են զորամասի բուժկետ, որտեղ բժիշկն ասել է, որ «ամեն ինչ կարգին է»։
Aravot.am-ի հետ զրույցում ՀՀ պաշտպանության նախարարության խոսնակ Արծրուն Հովհաննիսյանն ասաց, որ նման բան չի եղել: Պարոն Հովհաննիսյանի ֆեյսբուքյան էջում նաեւ տեղադրվել են տեսանյութեր, որտեղ իբրեւ ծեծված զինվորների ծնողները հերքում են այդ տեղեկությունները:
Կարդացեք նաև
Gepostet von Արծրուն Հովհաննիսյան am Donnerstag, 2. Januar 2020
Նույն աղբյուրի պնդմամբ, զինվորներն այդ զորամաս էին տեղափոխվել Էջմիածնից, քանի որ Էջմիածնում տեղակայված զորամասերից մեկից, որտեղ հաստիքներ էին կրճատվել: Այդ զորամասից այլ զորամասեր տեղափոխված զինվորների ծնողները դիմել են պաշտպանության նախարարության թեժ գիծ՝ տեղափոխումները համարելով անհիմն։ Ծնողները մտավախություններ ունեին, որ մեկուկես տարի նույն վայրում ծառայած, ընկերների հետ կապված զինվորի համար տեղափոխելը կառաջացնի բարոյահոգեբանական ընկճված վիճակ։ ՊՆ-ից ծնողներն իրենց ակնկալած պատասխանը չեն ստացել:
Gepostet von Արծրուն Հովհաննիսյան am Donnerstag, 2. Januar 2020
Նելլի ԳՐԻԳՈՐՅԱՆ
