Սույն թվականի փետրվարի 18-ին Հայաստանի Հանրապետական կուսակցության երիտասարդական կազմակերպությունն իրականացրեց միջոցառում՝ նվիրված Մեծ Հայրենական պատերազմում տարած հաղթանակի 75-ամյակին:
«Սա մեր բոլորիս հաղթանակն է և մենք մեծ հպարտությամբ հիշում ենք հայ ժողովրդի անուրանալի դերակատարումը այդ հերոսական հաղթանակի կերտման գործում։ Չմոռանանք, որ հայ ժողովուրդը Մեծ Հայրենական պատերազմի առաջին իսկ օրերից մասնակցություն է ունեցել պատերազմական գործողություններին՝ Խորհրդային Միության հանրապետությունների շարքում ըստ բնակչության թվի ունենալով ամենաշատ մասնակիցները՝ Խորհրդային Հայաստանի բնակչության շուրջ 20%-ը: Ավելի քան 70.000 հայեր պարգևատրվել են մարտական շքանշաններով ու մեդալներով, 107-ը՝ ստացել են Խորհրդային Միության հերոսի, 64-ը՝ գեներալի և 5-ը՝ մարշալի կոչում: Նշեմ, որ այսօր զրահատանկային զորքերի գլխավոր մարշալ, ԽՍՀՄ Հերոս Համազասպ Բաբաջանյանի ծննդյան օրն է», – ասաց ՀՀԿ երիտասարդական կազմակերպության ղեկավար Հայկ Մամիջանյանը։
Միջոցառումն անցկացվել է «Հաղթանակ» զբոսայգում՝ Անմար կրակի մոտ։ Երիտասարդներն, իրենց ձեռքերում պահելով «ԽՍՀՄ Հերոս» և «Փառքի համար» շքանշանի բոլոր երեք աստիճանի ասպետների լուսանկարները, իրականացրել են մոմավառություն։
ՀՀԿ երիտասարդական կազմակերպություն
Ռուս/թուրք-բոլշեւիկյան զավթիչների դեմ 1921թ Փետրվարի 18-ի ապստամբության տարելիցին լռել այդ մասին ու հպարտանալ գաղութարարին «շտրաֆբատի» կարգավիճակում ճորտաբար ծառայելու ԱՆԱՐԺԱՆԱՊԱՏԻՎ դրվագով նշանակում է նոր սերնդին վարակող ստրկության այլանդակ հաղթարշավ կազմակերպել:
հ.գ.
Հայերի ՄԵԾ ՀԱՅՐԵՆԱԿԱՆԸ այն կլիներ, որ 100 տարի առաջ մեկ մարդու նման կանգնեին Նժդեհի կողքին ու ջարդեին ռուս-թուրքական 11-րդ բանակը, թուրքից ԱՎԵԼԻ ԼԱՎ ԶԻՆՎԱԾ ԼԻՆԵԼՈՎ կռվեին ու առանց կրակոցի ՉՀԱՆՁՆԵԻՆ Կարսը, լավ հասկանային բոլշեւիզմի էությունը ու կացնահարեին դրա վիրուսակիր կասյաններին, ավիս նուրիջանյաններին… փոխանակ այդ պռռնկածիններին ԽԱԲՎԵԼՈՒ ու թույլ տալու, որ նրանք կացնահարեին Սարդարապատի հերոսներին…..: Այդ ժամանակ արժանապատվությունը կթեւածեր Անկախ Հայրենիքում ու կարիք չէր լինի գաղութարար տիրոջը մատուցած ճորտական ծառայությունների հիմքով արհեստական «արժանապատվություն» հորինելու: