Շիրակի մարզում «Այո» նախընտրական շտաբի աշխատանքների պատասխանատվությունը դրված է մի քանի հոգու վրա։ Ինչպես տեղեկացանք, յուրաքանչյուր ընտրատարածք ունի իր պատասխանատուն, աշխատանքներն ընթանալու են այդ ձևաչափով։
Թիվ 30 ընտրատարածքի համար պատասխանատու է ԱԺ պատգամավոր Կարեն Սարուխանյանը, որն, ի դեպ, 4 օր առաջ իր ֆեյսբուքյան էջում հայտնել էր այդ մասին՝ գրելով․ «30-րդ ընտրատարածքում «Այո» շտաբի աշխատանքները համակարգելու եմ ես։ 30-րդ ընտրատարածքն ընդգրկում է Աշոցք, Սարապատ, Արփի, Ամասիա, Մարմաշեն խոշորացված համայնքները, ինչպես նաև Առափի, Ոսկեհասկ և Հայկավան գյուղերը։ Ավելի քան վստահ եմ՝ ապրիլի 5-ին բոլորս միասին, մեր միասնականության շնորհիվ, տոնելու ենք մեր հերթական հաղթանակն, ինչպես եղավ ԱԺ ընտրությունների ժամանակ»։
Թիվ 31 ընտրատարածքը, որը մեծամասամբ ընդգրկում է Գյումրին, համակարգելու է Շիրակի մարզպետ Տիգրան Պետրոսյանը։
Ախուրյանն ու Գյումրիից մի փոքր հատված ընդգրկող թիվ 32 ընտրատարածքում աշխատանքները կգլխավորի ԱԺ պատգամավոր Նազելի Բաղդասարյանը, իսկ Անիի ու Արթիկի տարածաշրջանները ընդգրկող թիվ 33 ընտրատարածքը՝ ԱԺ պատգամավոր Սոֆիա Հովսեփյանը։
Կարդացեք նաև
Նունե ԱՐԵՎՇԱՏՅԱՆ
