Հայաստանի առաջատար բռնցքամարտիկները շարունակում են պատրաստվել Տոկիոյի օլիմպիական խաղերի վարկանիշային մրցումներին, որոնցից առաջինը մեկնարկելու է մարտի 14-ին՝ Լոնդոնում, երկրորդը՝ Փարիզում:
Հավաքականի գլխավոր մարզիչ Ռաֆայել Մեհրաբյանը հրապարակել է այն բռնցքամարտիկների անունները, որոնք պետք է մասնակցեն լոնդոնյան վարկանիշային մրցաշարին: Նրանք են. 52 կգ՝ Կորյուն Սողոմոնյան, 57 կգ՝ Արթուր Բազեյան, 63 կգ՝ Հովհաննես Բաչկով, 69 կգ՝ Գուրգեն Մադոյան, 75 կգ՝ Արման Դարչինյան (լուսանկարում), 81 կգ՝ Գոռ Ներսիսյան, 91 կգ՝ Նարեկ Մանասյան եւ +91 կգ՝ Գուրգեն Հովհաննիսյան:
Վարկանիշային պայքարին կմասնակցեն նաեւ կանանց հավաքականի անդամներ Անուշ Գրիգորյանը՝ 51 կգ քաշային կարգ եւ Անի Հովսեփյանը՝ 69 կգ:
Աշոտ ՀԱԿՈԲՅԱՆ
