Գյումրու քաղաքապետարանի առաջին հարկ տեղափոխված ու քաղաքի տոնակատարությանը պաշտոնապես բացված «Կումայրի» արգելոց- թանգարանում կտեղադրվի դաշնամուր, որի հնչյունների ներքո կհյուրընկալեն ոչ միայն քաղաքի պատմությամբ հետաքրքրված զբոսաշրջիկներին, այլ հենց քաղաքապետարաի աշխատակիցները կկատարեն իրենց աշխատանքը։
Այսօր Գյումրու ավագանին հաստատեց քաղաքի գլխավոր ֆինանսիստ Լենա Ջիլավյանի դաշնամուր գնելու առաջարկը։
Լենա Ջիլավյանն ասաց․ «Ամեն ինչ արվել է շատ լավ, շատ իդեալական, կա սուբվենցիոն ծրագիր, նաև համայնքային ներդրում։ Արվել է ամեն ինչ, կարելի է ասել՝ այս պահին մեզ պետք էր մի երաժշտական գործիք՝ դաշնամուր, որպեսզի տեղադրվեր ու միշտ երաժշտություն հնչեր, ու մենք շատ լավ ընդունեինք մեր հյուրերին։ Պահը եկավ, որ աճուրդով վաճառվում էր շատ լավ, շատ նորմալ վիճակում գտնվող դաշնամուր։ Մենք մասնակցել ենք աճուրդին, գինը 506 հազար դրամ է, ներկայացնում եմ ձեզ, որ կարողանանք այն որպես հիմնական միջոց ձեռք բերել և տեղադրել «Կումայրի» արգելոցի տարածքում, որպեսզի միշտ հնչի դասական լավ երաժշտություն մեր հյուրերի, ինչու չէ նաև մեզ համար»։
Սամվել Բալասանյանն էլ հավելեց, որ շատ լավ երաշտական գործիք է, որը բերել ու լարել են, սա հնարավորություն կտա հետաքրքիր միջոցառումներ անցկացնելու այն վայրում, որտեղ մեկտեղված են Գյումրու պատմության թանգարանը, կենտրոնական գրադարանն ու ցուցասրահը։
Կարդացեք նաև
Նունե ԱՐԵՎՇԱՏՅԱՆ
Ցուցասրահի լուսանկարը՝ Գյումրու քաղաքապետարանի
