Այսօր ՀՀ վերաքննիչ դատարանը (դատավոր Ռուզաննա Բարսեղյան) հետաձգեց «Բարգավաճ Հայաստան» կուսակցության ղեկավար, ԱԺ պատգամավոր Գագիկ Ծառուկյանի խափանման միջոցի որոշման հրապարակումը: Որոշումը պետք է հրապարակվեր այսօր ժամը 12.00-ին, սակայն կհրապարակվի 18:00-ին:
Հիշեցնենք, Գագիկ Ծառուկյանը կալանքի տակ է սեպտեմբերի 25-ից եւ մեղադրվում է 2017-ի խորհրդարանական ընտրությունների ժամանակ ընտրակաշառք տալը կազմակերպելու մեջ: Ծառուկյանն իրեն մեղավոր չի ճանաչել եւ բազմիցս հայտարարել է, որ քաղաքական հետապնդման զոհ է դարձել կառավարության հրաժարականը պահանջելու համար։
Նելլի ԳՐԻԳՈՐՅԱՆ
