«Պատերազմական այս օրերը մեզ մի դաս հաստատ տալիս են. մեզ բոլորովին նոր որակի տնտեսություն է պետք: Տնտեսագետները մեզ հետ զրույցներում համակարծիք են. պետությունը նորովի պետք է նայի բարձր տեխնոլոգիական եւ ռազմարդյունաբերական ոլորտին: Այն պետք է զարգացնենք՝ կտրուկ եւ արագ, եւ դրա համար ունենք ներուժը, ուղեղն ու զինուժը: Հենց այսօ՛ր պետք է մտածենք դրա մասին՝ այն մշտապես օրակարգում պահելով:
Ըստ այդմ, ինչ ենք անելու հաջորդ տարի: Բնականաբար, առաջին փաստաթուղթը, որով հետաքրքրվում ենք, 2021 թ. պետբյուջեի նախագիծն է: Ոլորտի զարգացման ի՞նչ ուղղություններ են նախանշված:
Ինչպես տեղեկացնում է ֆինանսների նախարարությունը (արդեն շրջանառել է նախագիծը), կառավարությունը նպատակադրվել է Հայաստանը դարձնել բարձր տեխնոլոգիական, արդյունաբերական երկիր, որին հասնելու ուղիներից է բարձր տեխնոլոգիաների, կապի, թվայնացման եւ ռազմարդյունաբերական համալիրի զարգացումը` զինված ուժերի մարտունակության ու պաշտպանունակության բարձրացումը, տնտեսական աճը, գիտական եւ տեխնոլոգիական առաջընթացը։
Օրինակ, ռազմարդյունաբերության զարգացման ուղղությամբ պլանավորվում է 2021 թ. ավելի քան 18.0 տոկոսով ավելացնել նոր տեխնոլոգիական ուղղություններով գիտահետազոտական աշխատանքների ֆինանսավորումը: Նախատեսվում է նոր նմուշների մշակում, նոր եւ արդիականացված նմուշների փորձնական խմբաքանակների արտադրություն, սպառազինության եւ ռազմական տեխնիկայի եւ ռազմատեխնիկական ունեցվածքի արդիականացում»:
Կարդացեք նաև
Արմենուհի ՄԵԼՔՈՆՅԱՆ
Հոդվածն ամբողջությամբ՝ «Հայաստանի Հանրապետություն» օրաթերթի այսօրվա համարում
