Իրավապաշտպան, հրապարակախոս Զառա Հովհաննիսյանի ֆեյսբուքյան գրառումը
Հայտնում եմ իմ մտահոգությունն ու անհամաձայնությունը երեկ, ՀՀ կառավարության նիստում ընդունված մի շարք օրենքներում փոփոխություններ կատարելու նախագծի վերաբերյալ, որով Մարդու իրավունքների պաշտպանի գրասենյակի պետական բյուջեից տրվող ֆինանսավորումը կարող է կրճատվել։
Մասնավորապես, դա լուրջ հարված կարող է հասցնել ՄԻՊ գրասենյակի ֆինանսական անկախության երաշխիքներին։ Փաստացի, ՄԻՊ աշխատանքի արդյունավետության գրավական դարձավ այն, որ ՀՀ սահմանադրությամբ և «Մարդու իրավունքների պաշտպանի մասին» սահմանադրական օրենքով ամրագրվեցին այդ ինստիտուտի անկախության երաշխիքները։
Պաշտպանի, որպես կանխարգելման ազգային մեխանիզմի գործունեությունը կարևորագույն նշանակություն ունի ժողովրդավարական երկրի կայացման և մարդու իրավունքների պաշտպանության հարցում։ Ուստի, մենք, որպես հասարակություն, պետք է ամեն կերպ ողջունենք այդ ինստիտուտի կայացումն ու ամրապնդումը մեր երկրում, տալով անկախության և գործունեության ընդլայնման սահմանադրական երաշխիքներ։
Կարդացեք նաև
Հաշվի առնելով այն հանգամանքը, որ ՄԻՊ-ը վերջին բարդագույն իրավիճակներում ամենաարդյունավետ աշխատող պետական կառույցն էր, ՀՀ կառավարության կողմից ընդունված փոփոխությունների փաթեթն առնվազն անհեթեթ է թվում։
Նորմալ պետություններում խրախուսում են լավ աշխատողներին, մեզ մոտ, կարծես թե, հակառակը։
