Բարձր տեխնոլոգիաների եւ արդյունաբերության նախարար Հակոբ Արշակյանն այսօր ԱԺ-ում լրագրողների հետ զրույցում լրագրող Փայլակ Ֆահրադյանին հարվածելու միջադեպի հետ կապված ներողություն խնդրեց այս անգամ նաեւ հենց լրագրողից:
Նա հայտարարեց. «Նախ ուզում եմ ասեմ, որ ձեզ բոլորիդ շատ սիրում եմ: Դուք գիտեք, որ ձեր հարցերին միշտ մանրամասն փորձում եմ պատասխանել, շատ կարեւորում եմ ձեր պրոֆեսիոնալ գործունեությունը: Ես կատարված դեպքի հետ կապված ներողություն եմ խնդրել ականատես եղած քաղաքացիներից, աշխատակիցներին, հիմա նաեւ ուզում եմ ներողություն խնդրել հանրությունից, ովքեր իրենց տեսադաշտում տեսել են այդ դեպքը, նաեւ ցանկանում եմ լրագրական հանրույթից ներողություն խնդրել, ինչպես նաեւ Փայլակից: Շատ կարեւորելով ձեր պրոֆեսիոնալ մասնագիտական գործունեությունը՝ ես շատ լուրջ եմ վերաբերվում դրան եւ ցանկանում եմ, որպեսզի մենք բոլորս հենց այդպես վերաբերվենք»:
Հարցրեցինք՝ այդ դեպքի ժամանակ եղե՞լ է մի բան, որ տեսախցիկներից բաց է մնացել, հայհոյանք կամ այլ բան, որովհետեւ նման լուրեր տարածվեցին՝ նախարարը չպատասխանեց ու մտավ նիստերի դահլիճ:
Կարդացեք նաև
Հռիփսիմե ՋԵԲԵՋՅԱՆ
Бьет, значит любит 🤣
Եթե մարդ ընդունակ է ներողություն խնդրել,ուրեմն նրա համար դեռ ամեն ինչ կորած չէ…