«Հենակետ» վերլուծական կենտրոնի փորձագետ Վիտալի Մանգասարյանի ֆեյսբուքյան գրառումը
ԱԺ պաշտպանության եւ անվտանգության հարցերի մշտական հանձնաժողովի ղեկավար Անդրանիկ Քոչարյանը՝ նույն ինքը ապրիլյան քննիչ հանձնաժողովի ղեկավարը, այս տարվա հունվար ամսին, երբ արդեն ապրիլյան քննիչ հանձնաժողովի աշխատանքներն ավարտվել էին, եւ զեկույցը պատրաստ էր, հայտարարում էր, որ այն անպայմանորեն ներկայացվելու է հանրությանը։
Քիչ առաջ այդ զեկույցը ներկայացվեց ԱԺ փակ նիստում, որից հետո լրագրողների հետ հանդիպման ժամանակ Քոչարյանը փորձում էր համոզել, որ պետական գաղտնիքի հետ առնչություն ունեցող թեմա է, այդ իսկ պատճառով որոշում է կայացվել ԱԺ փակ ֆորմատով ներկայացնել զեկույցը։
Այստեղ տրամաբանական հարց է առաջանում։
Կարդացեք նաև
Երկրի պաշտպանության եւ անվտանգության համար պատասխանատու կարեւորագույն հանձնաժողովի ղեկավարը, որը ժամանակին ցանկացած առիթ, ամբիոն եւ լրատվամիջոց օգտագործում էր խոսել հանձնաժողովի աշխատանքների մասին, եւ հորդորում էր սպասել, մինչեւ հանձնաժողովը ավարտի իր աշխատանքը եւ արդյունքները ներկայացնի հանրությանը՝ չգիտե՞ր, որ պետական գաղտնիքի հետ է առնչվում, իսկ եթե գիտեր, ինչո՞ւ էր ամեն առիթ օգտագործում եւ ականջահաճո, միտինգային տրամաբանության մեջ հայտարարություններ անում վերջին երկու տարվա ընթացքում։
Կարծում եմ՝ պատասխանը առավել, քան պարզ է։
