Ինչպես տեղեկացրել ենք, ԱԺ դռնփակ նիստում քննարկվում է ապրիլյան պատերազմի հանգամանքներն ուսումնասիրող հանձնաժողովի զեկույցը:
Պատգամավոր Սոֆյա Հովսեփյանը լրագրողների հետ զրույցում ասաց, որ հանձնաժողովի զեկույցը «հակասական եւ խճճող» էր. «Մնում է հասկանալ՝ իմ աչքի տեսա՞ծն էր ավելի ճիշտ, թե՞ այստեղ լսածը…Այն ժամանակ մի քիչ այլ տեսքով էր երեւում: Շատերը կողքից նայող են եղել, հանձնաժողովի անդամները կասեն՝ իրենք ի՞նչ եզրահանգման եկան…Ես ապրիլի 3-ից եղել եմ այնտեղ, իսկ այն մարդիկ, ովքեր Երեւանի կենտրոնում նստած լսել են, որ ապրիլյան պատերազմ է տեղի ունեցել, այդ մարդկանց համար պետք են շատ հարցերի պատասխաններ: Իրենք լսել են շատ բաներ զրույցներից եւ հիմա գալիս՝ տեղավորվում է դարակներում: Ինձ համար մի փոքր հակասություն առաջացել էր, մնում են իմ հարցերը, որոնց պատասխանները հաստատ հանձնաժողովից չի, որ պետք է ստանամ: Երեւի ժամանակի խնդիր է: Երկրորդը՝ հարց է՝ այլեւս ի՞նչ տարբերություն այդ հարցերի պատասխանը, երբ որ դրանից ահեղ 44-օրյա պատերազմը պետք է այսօր քննենք»:
Անդրանիկ Քոչարյանն ասել էր, որ ապրիլյան պատերազմի շարունակությունն էր 44-օրյա պատերազմը, դուք նման բան տեսա՞ք զեկույցում՝ Սոֆյա Հովսեփյանը պատասխանեց, որ այն շարունակությունն էր 90-ականների պատերազմի հանգուցալուծման եւ առհասարակ, մեր երկրում պատերազմը շարունակվում է շուրջ 30 տարի:
Կարդացեք նաև
Հռիփսիմե ՋԵԲԵՋՅԱՆ
Մնացածը նախընտրական շրջանում՝պողոսների համար….Պարզվելու է,որ Լելե Թեփեն տվել են,որ նախադրյալներ ստեղծվեն քսան թվականի մեր պարտության համար….երևակայությունը սահմաններ չունի…..