Տարիներ առաջ ուրախացել էինք, երբ տեղեկացանք, որ մեր կանգառներում էլ կտեղադրվեն եվրոպական չափանիշներին համապատասխան էլեկտրոնային չվացուցակներ:
ՀՀ կառավարության 2011 թվականի դեկտեմբերի 22-ի N 50 նիստի արձանագրությամբ հաստատվեց չվացուցակի կարգը, մասնավորապես, սահմանվել էր. «Ուղեւորների զգալի տատանում ունեցող կետերում անհրաժեշտ է ունենալ չվացուցակ՝ ըստ տարվա ժամանակների եւ շաբաթվա օրերի:
Չվացուցակը պետք է ապահովի ուղեւորների կողմից ավտոբուսին սպասելու եւ երթեւեկելու ամենաքիչ ժամանակը, բոլոր կանգառներում նորմալ լցավորումը, ամբողջ աշխատանքի ընթացքում բարձր կարգավորված երթեւեկումը, հաղորդակցման բարձր արագություն պահպանելով երթեւեկության անվտանգությունը, ավտոբուսների արդյունավետ շահագործումը, վարորդների աշխատանքի ռեժիմը, հանգուցային կանգառներից շարժվելիս համաձայնեցված միջակայքը»:
Մեկ տարի հետո՝ 2012-ին՝ Երեւանի նախկին քաղաքապետ Տարոն Մարգարյանն աշխատանքային հուլիսյան խորհրդակցության ժամանակ տեղեկացրել էր, որ երթուղային ցանցի նոր կիրառմանը զուգընթաց նոր ծրագիր է իրականացվելու, կանգառները «կահավորվելու» են էլեկտրոնային չվացուցակներով:
Կարդացեք նաև
«Առավոտն» այսօր ընտրել է Տիգրան Մեծի եւ Արշակունյաց փողոցների եվրաչափանիշները գերազանցող չվացուցակները, չնայած գիտեինք, որ ամբողջ քաղաքն է այդպես:
Ահավասիկ՝ դրանք:
Ռուզան ՄԻՆԱՍՅԱՆ
Լուսանկարները՝ Անահիտ Գրիգորյանի
«Առավոտ» օրաթերթ
27.05.2021
