Կառավարության թիվ 2 շենքում հուլիսի 1-ից բացվել է Հայաստանի պատմության թանգարանի «Դրվագներ ինքնության. Տարազ» խորագիրը կրող բացառիկ ցուցահանդեսը, որը բաց կլինի մեկ ամիս:
Ցուցահանդեսի այցելուները հնարավորություն ունեն ծանոթանալ տարբեր տարածաշրջանների տարազներին, արդուզարդի պարագաներին, արխիվային լուսանկարներին և ականջակալների միջոցով ունկնդրել տարածաշրջանին համապատասխան երաժշտությունը՝ «Հայկական ազգային երաժշտական գանձարան» նախագծում ներառված երգացանկից։
Թանգարանի տնօրեն Դավիթ Պողոսյանը նշում է, որ թեեւ թանգարանը փակ է վերանորոգման պատճառով,իրենք իրենց գործունեությունը չեն դադարեցրել առցանց ձեւաչափով:
Կարդացեք նաև
Նա ցուցահանդեսը բացառիկ է որակում, քանի որ առաջին անգամ են ցուցադրվում եւ կանանց, եւ տղամարդկանց, եւ երեխաների ավանդական զգեստներ:
Ցուցահանդեսի աջակիցն է «Կոնվերս» բանկը:
Գոհար ՀԱԿՈԲՅԱՆ
