Մեր տեղեկություններով, Շիրակի մարզի Թորոս գյուղի անտառային գոտու թիվ 1 պահաբաժնում կատարված ստուգումների արդյունքում հայտնաբերվել են ապօրինի ծառահատման դեպքեր։ Պարզվել է, որ 268 հատ սոճի տեսակի ծառ է հատվել, փաստի առթիվ հարուցվել է քրեական գործ։
Անտառային գոտին, ըստ քրգործի նյութերի, գտնվել է «Հայանտառ» ՊՈԱԿ Գյումրիի մասնաճյուղի Աշոցքի պահաբաժնի անտառապահ Հ․Մ․-ի հսկողության տակ, նրա աշխատանքային պարտականությունների մեջ են մտել կանխարգելիչ միջոցառումներ իրականացումն ու ապօրինի անտառահատումների հսկողությունը, անասունների արածեցման խախտումների արձանագրումը։
Քրեական գործի ուսումնասիրությամբ պարզվել է, որ անտառապահը 1-3 քառակուսիններում պահպանություն չի իրականացրել։ Նա բացատրություն և ցուցմունք է տվել՝ նշելով, որ մայիսի 12-ին ստուգման ժամանակ հայտնաբերված թվով 268 հատ «սոճի» տեսակի ծառերի հատման վերաբերյալ որևէ տեղեկություն չունի, ինչպես նաև ընդունել է, որ թերացել է պարտականությունների կատարման մեջ:
ՀՀ ՔԿ Շիրակի մազի քննչական վարչությունում նախապատրաստվում են նյութեր:
Կարդացեք նաև
Նունե ԱՐԵՎՇԱՏՅԱՆ
