ՏՄՊՊՀ նախագահ Գեղամ Գեւորգյանն այսօր կառավարության նիստից հետո լրագրողների հետ ճեպազրույցում, անդրադառնալով թանկացումներին, ասաց՝ պարենի համաշխարհային գները բարձրացել են, FAO-ն եւս հրապարակեց, որ պարենը թանկանում է, ամբողջ աշխարհում են գները բարձրացել։
«Թանկացել են բեռնափոխադրումները, բենզինի եւ նավթամթերքի շուկայում էլ թանկացում է եղել, որոշ ապրանքների առումով գների նվազման միտումներ կան,բայց մնացածի դեպքում դեռեւս կայուն պահպանվում են գները»,-ասաց Գեղամ Գեւորգյանը։
Նա հայտնեց, որ այս պահին բենզինի շուկայում ուսումնասիրություն են անում։
Երկու ամսից պատրաստ կլինի այն հարթակը, ինչպես ներկայացրեց Գեւորգյանը, որի միջոցով առցանց ռեժիմով հնարավոր կլինի տեսնել այն շուկաների գների բարձրացումը, որոնք հանձնաժողովը մոնիթորինգ է անում, ինչպես նաեւ այդ հարթակում տեսանելի կլինի կենտրոնացված շուկաներում թանկացումների պատճառները՝ չմանրամասնելով, թե որ ապրանքների գներն են նվազել։
Նելլի ԲԱԲԱՅԱՆ
