«Երկաթգծի հետ կապված բավականին ընդհանրական մոտեցումներ կան․ բանակցությունները Երասխից Հորադիս գծին են վերաբերում»,-ԱԺ-կառավարություն հարցուպատասխանի ժամանակ այսօր հայտարարեց ՀՀ փոխվարչապետ Մհեր Գրիգորյանը՝ պատասխանելով ապաշրջափակման վերաբերյալ հարցադրմանը։
Նրա խոսքով՝ երկաթուղու նշյալ հատվածն ինքնուրույն հատված է․ «Այն նաեւ հնարավորություն է տալիս Իրանի հետ կապ ստանալ Երասխից։ Այն կապում է Վրաստանի երկաթգծի հետ, դառնում տարածաշրջանային նշանակության լուծում։ Սա ՀՀ-ի համար շատ կարեւոր հարց է։ Եթե մեկ լուծմամբ համաձայնեցվի, ապա այն կունենա տարածաշրջանային նշանակություն: Այդ դեպքում մենք կստանանք խաղաղության մանդատը, որի մասին խոսում ենք, որովհետեւ այդ ենթակառուցվածքով շահագրգռված են լինելու տարածաշրջանի բոլոր երկրները»։
Լուիզա ՍՈՒՔԻԱՍՅԱՆ
