Հրազդանի քաղաքապետ Սևակ Միքայելյանի ֆեյսբուքյան գրառումը
Հիսուս Քրիստոսի արձանի՝ Հայաստանի Հանրապետության բարձրադիր վայրերից մեկում տեղադրելու Գագիկ Ծառուկյանի նախաձեռնությունը հասարակության շրջանում լայն տարածում գտավ. հնչեցին ինչպես դրական, այնպես էլ` բացասական կարծիքներ:
Լինելով աշխարհում առաջինը քրիստոնեություն ընդունած պետություն` արձանի կառուցումը Քրիստոնեության հանդեպ ունեցած մեր հավատն ամրապնդելու և մեր հոգևոր վերածննդին սկիզբ դնելու առաքելություն կարելի է համարել:
Թերևս, ամենատարածված քննադատությունը արձանի փոխարեն բանակին օգնելն էր:
Համամիտ եմ` բանակը ամենաառաջնային դերում է, և վստահ եմ, որ հզոր բանակի գրավականներից մեկն էլ զարգացած տնտեսությունն է:
Կարդացեք նաև
Քրիստոսի արձանի տեղադրմամբ ողջ աշխարհից մեր երկիր հազարավոր զբոսաշրջիկների հոսք կլինի, հետևաբար` զարգացում կապրի զբոսաշրջության ոլորտը, և զբոսաշրջիկների ներդրած գումարը զգալիորեն կնպաստի տնտեսության աճին:
Այս ամենը նպաստելու է նաև բանակաշինության և երկրի պաշտպանության գործին:
Միևնույն ժամանակ ցանկանում եմ նախաձեռնությունը քննադատողներին հիշեցնել օնլայն խաղատների (Աջարաբեթ, Վիվարո, Տոտո և նման այլ բուքմեյքերական խաղեր) և դրանց վրա վատնվող մեծ գումարների մասին:
Ամեն քայլափոխին, այդ թվում՝ հանրապետության գլխավոր ճանապարհների կամուրջներին, հանդիպում ենք օնլայն խաղատների մասին գովազդների, և վստահ եմ՝ բոլորդ գիտեք, թե ինչ մեծ գումարներ են վատնվում դրանց վրա, և ինչպիսի բացասական ազդեցություն են թողնում հասարակության շրջանում:
Ճիշտ է՝ վերոնշյալ բուքմեյքերական ընկերությունների կողմից փակցված գովազդներից գումարներ են մուտք լինում պետբյուջե, սակայն բուքմեյքերական ընկերություններն իրենց բացասական հետևանքներն են ունենում անչափահասներ շրջանում և քայքայում են հազարավոր ընտանիքներ:
Ողջունելով Հիսուս Քրիստոսի արձանի կառուցումը՝ հնարավորինս իմ աջակցությունն եմ հայտնում Գագիկ Ծառուկյանի նախաձեռնությանը:
Հ.Գ. Խնդրում եմ՝ չփնտրել քաղաքական ենթատեքստ:
Տուրիստները նստած սպասում են Հիսուսի արձանի տեղադրմանը, անհամբեր եղունգներն են կրծոտում։ Ավելի տափակ մտավարժանք ու քծնանք դժվար է պատկերացնել։ Արտագաղթող երկրում Հիսուսի արձանը դրեք լույսն էլ հանգեցրեք ու գնացեք։ Կգան թուրքերը կպայթեցնեն արձանը ու տեղը մզկիթ կսարքեն…. Հիշեք Ջուղան երբ հայերը զենքի համար փող խնայելով եկեղեցիներ էին կառուցում։ Հիմա թե իրենք չկան թե եկեղեցիները։ Նախիջևանի բոլոր եկեղեցիների տեղում մզկիթներ են կանգնած։ Նույնիսկ կենդանիներն են դաս քաղում կրկնվող ցավից բայց ոչ մենք
Mika, համամիտ եմ, մանավանդ որ դեռևս 1922 թվ, Բրազիլիայում, Ռիօ-Դե- Ժանեռիօյում սկսվել է Հիսուսի մոնումենտի շնությունը, որը ավարտվել է 10 տարի անց և նրա տեղը աշխարհում հանրահայտ է։ Ակնկալել, որ “Քրիստոսի արձանի տեղադրմամբ ողջ աշխարհից մեր երկիր հազարավոր զբոսաշրջիկների հոսք կլինի”, համարենք երազանք։