Գեղարքունիքի մարզի Վարդենիս համայնքի ավագանու նիստից հետո, համայնքի ղեկավար Ահարոն Խաչատրյանը, «Ահարոն Խաչատրյան», «Միասնական Վարդենիս» դաշինքների ավագանիները համայնքապետարանի քարտուղար Կ. Զարոյանից պահանջեցին համայնքի ղեկավարի կնիքը եւ աշխատասենյակի բանալիները:
Համայնքապետարանի քարտուղարն, ավելի վաղ ասել էր, որ մարզպետարանում հանձնաժողով է կազմվել, նրանք կապարակնքել են համայնքի ղեկավարի աշխատասենյակը, վերցրել կնիքը եւ բանալիները:
Համայնքապետարանի քարտուղարը զանգահարեց մարզպետարան՝ փոխանցելով ավագանիների եւ համայնքի ղեկավարի՝ իրեն ներկայացրած պահանջը: Մարզպետարանի պատասխանատու աշխատակիցն, որը զրուցել էր Զարոյանի հետ, ասաց, որ համայնքապետարանի ղեկավարն ու ավագանին պետք է գրավոր դիմում ներկայացնեն՝ կնիքի եւ բանալիների պահանջի մասով, որը կուսումնասիրվի եւ մարզպետարանում համապատասխան որոշում կկայացվի:
Վարդենիսի ավագանին այս առիթով հայտարարություն կհրապարակի:
Կարդացեք նաև
Ի դեպ, համայնքապետարանի բակը մարդաշատ էր: Մարզպետարանի մոտ հավաքվել էի համայնքի բնակիչները, «Ահարոն Խաչատրյան», «Միասնական Վարդենիս» դաշինքների ներկայացուցիչները: Նրանք հայտարարեցին, որ գնում են ճանապարհներ փակելու:
Նելլի ԳՐԻԳՈՐՅԱՆ
