«Դուրս ՀԱՊԿ»-ից նախաձեռնության առաջարկով «ՀԱՊԿ-ում մնալու ռիսկերը և ՀԱՊԿ-ից դուրս գալու ռիսկերն ու հնարավորությունները» թեմայով հոկտեմբերի 2-ին «Ալեքսանդր» հյուրանոցում քննարկում էր կազմակերպել Ժողովրդավարության և անվտանգության հայկական կենտրոնը:
Բացման խոսքում «Հանուն Հանրապետության» կուսակցության փոխնախագահ Ռուբեն Մեհրաբյանը նշեց. «Իրադարձությունների այն սրընթաց հոսքը, որ մենք ապրում ենք այսօր, Ադրբեջանի ագրեսիան, արդեն ՀՀ սուվերեն տարածքի նկատմամբ և Հայաստանի անցումն այն երկրների շարք, որոնք խնդիր ունեն տարածքային ամբողջականության հետ, այդ ամենին ՀԱՊԿ-ի և Ռուսաստանի արձագանքը, սուբյեկտներ, որոնց հետ մենք ունենք բազմամյա իրավապայմանագրային հարաբերություններ, և այն արձագանքը, որին մենք ականատես ենք: Պաշտոնական Երևանի, նույնիսկ վարչապետի մակարդակով, օրինաչափական արձանագրումներն այս ամենին, այն է, որ փաստորեն ստացվում է, որ ՀԱՊԿ չկա: Այդ ֆոնին հասարակության արձագանքը, որի լավագույն վկայությունն է «Դուրս ՀԱՊԿ»-ից հասարակական համախմբման ստեղծումը, այս ամենը օրինաչափական հարցեր են առաջացրել հասարակության և քաղաքական դասի մոտ, հարցեր հետևյալի մասին՝ իսկ ո՞րն է այս ամենի գինը լինելու, որոնք են ռիսկերը, եթե մնանք, ՀԱՊԿ-ում և որոնք են ռիսկերը, եթե քայլեր ենք սկսում ՀԱՊԿ-ից դուրս գալու ուղղությամբ»:
Նրա համոզմամբ, արդեն ժամանակն է, որ դադարենք որակել կարծիքներն ու գաղափարները՝ որպես հակառուսական, պրոռուսական կամ հակաարևմտյան, քանի որ նման չափանիշ այլևս գոյություն չունի: Գոյություն ունի միայն մեկ չափանիշ՝ որևէ գաղափար կամ քայլ բխում է կամ հակասում ՀՀ պետության շահերին:
Ռուբեն Մեհրաբյանը ներկաներին հորդորեց ակտիվ քննարկում ծավալել թեմայի շուրջ՝ մնալով գերմանական ճշտապահության ժամանակային տիրույթում:
Կարդացեք նաև
Լուսինե ՄԱՐԳԱՐՅԱՆ
