Այսօր ԱԺ-ում լրագրողների հետ զրույցում Դատավորների միության փոխնախագահ, Երեւան քաղաքի առաջին ատյանի ընդհանուր իրավասության դատարանի դատավոր Արթուր Ստեփանյանն ասաց, որ դատական իշխանությունում, այդ թվում՝ Դատավորների միությունում, իշխանություն-ընդդիմություն չկա, ամեն մեկը կարող է իր կարծիքն ունենալ, այդ թվում՝ դատավորը: Հարցին՝ դատավոր Արուսյակ Ալեքսանյանր կալանավորմանը ինչպե՞ս եք վերաբերվում՝ նա պատասխանեց. «Ձեզ ո՞նց է թվում, ես պետք է այդ հարցին պատասխանե՞մ: Իրավունք չունեմ պատասխանել, ես էլ բացարձակ տեղեկություն չունեմ այդ քրեական վարույթի մասին»:
Դիտարկմանը, որ նաեւ աշխատակազմն է թիրախավորվում՝ Ստեփանյանը պատասխանեց. «Ես նախ ինֆորմացիայի չեմ տիրապետում՝ մեկ, երկրորդը՝ եթե տիրապետեի, ես կաշկանդված եմ օրենսդրությամբ այդ հարցին պատասխանել»:
Ինչ վերաբերում է քաղաքական ուղղվածության գործերին, իշխանությունների միջամտություններին, ընդդիմադիրների կալանավորմանը՝ Արթուր Ստեփանյանն ասաց. «Ես իմ մասով կարող եմ ասել, ես չունեմ կաշկանդվածություն, ես ինձ ճնշված չեմ զգում»:
Կարդացեք նաև
Հռիփսիմե ՋԵԲԵՋՅԱՆ
