Իգական սեռական հորմոնի՝ էստրոգենի անունը հունարենից թարգմանաբար նշանակում է «ներշնչանք», և անվան այդպիսի ընտրությունը թերևս պատահական չէ, չէ՞ որ էստրոգենը ոչ միայն հոգում է կնոջ վերարտադրողական առողջության ու սեռական գրավչության մասին, այլև «պատասխանատու» է գեղեցկության համար․ այս հորմոնի շնորհիվ է մաշկը դառնում հարթ ու առաձգական, կանխվում է կնոջ վաղաժամ ծերացումը։
Սակայն պետք է հիշել, որ էստրոգենների պակասը կամ ավելցուկը կարող է հանգեցնել քաշի ավելացման, հոգնածություն կամ դեպրեսիա առաջացնել, ազդել կնոջ ինքնագնահատականի, սեռական ցանկության վրա։ Ահա թե ինչու է կարևոր օրգանիզմում էստրոգենի քանակին հետևելը։ Այս հորմոնի մակարդակի շտկումը հորմոնալ դեղամիջոցներով կարող է իրականացվել միմիայն բժշկի ցուցումներով, իսկ այ ֆիտոէստրեգեններով հարուստ դիետան կարող եք կազմել ինքներդ։
Ֆիտոէստրոգենները ոչ ստերոիդային բուսական միացություններ են, որոնք իրենց կառուցվածքով նման են էստրադիոլին (էստրոգենների տեսակներից մեկը) և իրենց առաջացրած էֆեկտով նույնպես նման են այդ հորմոնին։
Մթերքներ, որոնք ֆիտոէստրոգեններ են պարունակում
Կարդացեք նաև
Արտաքին տեսքը, հոգեկան և առողջական վիճակը բարելավելու համար հարստացրեք սննդակարգը հետևյալ մթերքներով՝
- Կտավատի աղացած սերմեր՝ օգնում են մաքրել օրգանիզմն ու վերացնել բորբոքային գործընթացները։
- Ընդավորներ (լոբի, ոլոռ, սիսեռ, ոսպ) ՝ օգնում են ազատվել տագնապի զգացումից, դեպրեսիայից, կարգավորել դաշտանային ցիկլը։
- Սերմեր (արևածաղկի, դդմի, քունջութի),
- ծիրան, ծիրանի և սև սալորի չիր,
- առվույտի ծիլեր,
- սոյա,
- սխտոր,
- հունական ընկույզ,
- արմավ,
- բազուկ,
- ծովամթերք
- կաղամբ
- սունկ։
Ֆիտոէստրոգեններով հարուստ են նաև որոշ դեղաբույսեր, դրանցից են՝
- եղեսպակը,
- ժենշենի արմատը,
- երիցուկը,
- փռնչուկը։
Պատրաստեց Մարինե ԱԼԵՔՍԱՆՅԱՆԸ