Aravot.am-ի տեղեկություններով՝ «Աբովյան» ՔԿՀ -ի կալանավորներից մեկը հանցագործության մասին հաղորդում է ներկայացրել, որի հիման վրա Քննչական կոմիտեում նախաձեռնվել է քրեական վարույթ:
Ըստ հանցագործության մասին հաղորդման՝ ՔԿՀ աշխատակիցն իր աշխատասենյակում 2022 թվականի ապրիլից մինչեւ օգոստոսն ընկած ժամանակահատվածում պարբերաբար ընդունելություններ կատարելու ժամանակ ձեռքերով դիպել է կին կալանավորներից մեկի կրծքին, նրա նկատմամբ ոտնձգություններ կատարելով՝ պահանջել է սեքսուալ բնույթի գործողություններ կատարել՝ պարտավորվելով դրա դիմաց տալ ծխախոտ, իր հաշվին փոխանցել գումար և ծանոթի մոտ սարքել ատամները:
Քննչական կոմիտեից մեզ հայտնեցին, որ ՔԿՀ-ում պահվող անձից ստացված հաղորդման հիման վրա նախաձեռնվել է քրեական վարույթ՝ ՀՀ քրեական օրենսգրքի 199-րդ հոդվածի 2-րդ մասի 5-րդ կետի (սեքսուալ բնույթի գործողություններ հարկադրելը) հատկանիշներով։
Իրականացվում է քննություն հաղորդման մեջ նշված տեղեկությունները ստուգելու, պարզելու ուղղությամբ։ ՔԿՀ աշխատակիցներին տրվել են դրան ուղղված հանձնարարություններ։
Կարդացեք նաև
Ա.Ս.
