«Դուք տեղյա՞կ եք, որ սա Երեւան քաղաքի ընտրություններն են։ Իսկ Արցախի վերաբերյալ մեր դիրքորոշման վերաբերյալ խորհրդարանում բազմիցս խոսել ենք, այլ տեղերում խոսել ենք։ Հիմա Երեւանի քարոզարշավը վերածել Արցախի հարցի քննարկման, դա ընդդիմության օրակարգն է, որը կարծում եմ ճիշտ չէ հիմա քննարկել»,- այսօր լրագրողների հետ ճեպազրույցում ասաց Ազգային ժողովի նախագահ Ալեն Սիմոնյանը, որը Շենգավիթ վարչական շրջանում մասնակցում էր «Քաղաքացիական պայմանագիր» կուսակցության Երեւանի քաղաքապետի թեկնածու Տիգրան Ավինյանի քարոզարշավին։
Դիտարկմանը, որ իրենց թեկնածու Տիգրան Ավինյանը քաղաքական ելույթ ունեցավ, Ալեն Սիմոնյանը պատասխանեց․ «Մեր թեկնածուն կարող է խոսել այն բաների մասին, որոնք այդ պահին կգտնի ճիշտ։ Այո, կարող ենք քաղաքական ելույթներ ունենալ, բայց դա չի նշանակում, որ ես երկու օր առաջ հարցազրույց եմ տվել, հիմա նորից պետք է նույն հարցերին պատասխանեմ»։
Ալեն Սիմոնյանը հավելեց․ «Թեկնածուների մեծ մասն իրենցից մարիոնետ են ներկայացնում, 14 մասնակից կա, հանած 1, 2, 3-ին, մնացած բոլորն աշխարհաքաղաքական վեկտոր են առաջ տանում, մեծ մասամբ ցավոք սրտի մարիոնետի կարգավիճակ ունեն։ Բայց վստահ եմ, որ երեւանցիները եւ մեր քաղաքացիներն ամեն ինչ շատ լավ տարբերում են»։
Կարդացեք նաև
Ռոզա ՀՈՎՀԱՆՆԻՍՅԱՆ
