ԱՄՆ Սենատի արտաքին հարաբերությունների հանձնաժողովում քննարկում է տեղի ունեցել Արցախի ճգնաժամի վերաբերյալ՝ Բոբ Մենենդեսի նախագահությամբ:
Իր ելույթում հանձնաժողովի նախագահ Մենենդեսն ասել է, ուրախ է տեսնել, որ քարտուղար Էնթոնի Բլինքենը վերջերս անձամբ է ներգրավվել: «Բայց թույլ տվեք հստակ ասել: Մեր ուղերձը ամենաբարձր մակարդակներից պետք է լինի միանշանակ՝ դադարեցնել շրջափակումը։ Դադարել սպառնալ Լեռնային Ղարաբաղի ժողովրդին: Դադարել սպառնալ Հայաստանին: Անմիջապես բացել Լաչինի միջանցքը: Պահպանել այն պարտավորությունները, որոնք Ադրբեջանը ստանձնել է 2020թ. նոյեմբերին կնքված զինադադարի ժամանակ»,- ասել է Մենենդեսը:
Նա նշել է, որ ԱՄՆ-ը պետք է տեր կանգնի խաղաղությանը, անվտանգությանը և մարդու իրավունքների պաշտպանությանը, ինչը չի անում Ռուսաստանը, որը ոչ միայն անվստահելի և անկարող գործընկեր է, այլև խոչընդոտ է խաղաղության և անվտանգության համար։ Սենատորը նկատել է, որ 2022թ. «Պուտինի, այսպես կոչված, «խաղաղապահները» պատասխանատու էին 2020 թվականի հրադադարի պահպանման համար», բայց նրանք «ձեռքերը ծալած կանգնեցին»։
«Պետք է անկեղծ լինեմ ձեզ հետ, – ասել է Մենենդեսը: – Ես չեմ հասկանում, երբ մենք հավաքվում ենք և ասում «այլևս երբեք»: Այլևս երբեք»: Եվ ահա մենք, մեր աչքի առաջ պարզ տեսնում ենք, թե ինչպես է ծավալվում մի պատմություն, որը հակասում է մեր ենթադրյալ հավատարմությանը «Այլևս երբեք»-ին: Արդյո՞ք մեզ համար այդքան կարևոր է, չնայած այն բանին, որ Ալիևն ավելի ու ավելի է մոտենում Ռուսաստանին, որ մենք ջերմանանք մեկի հետ, որը էթնիկ զտումների ստեղծման գործընթացում է: Արդյո՞ք դա այն պատմությունն է, որը ցանկանում է Միացյալ Նահանգները: Արդյո՞ք դա պատմության այն կողմն է, որի վրա մենք ուզում ենք կանգնել»
Կարդացեք նաև
Պատրաստեց Վիկտորյա ԱՆԴԵՐԱՍՅԱՆԸ
