Վրաստանի նախկին նախագահ Միխեիլ Սաակաշվիլին ֆեյսբուքյան գրառմամբ Նիկոլ Փաշինյանին խորհուրդ է տալիս հնարավորինս արագ խզել հարաբերությունները Ռուսաստանի հետ։
Նրա խոսքով՝ Ռուսաստանն արգելել է հայկական գրեթե բոլոր գյուղմթերքների և կոնյակի ներկրումը և այդ արգելքը պետք է նախազգուշացում լինի Փաշինյանի համար, քանի որ Պուտինը սկսել է չսիրել ոչ թե հայկական կոնյակը, այլ՝ հենց Փաշինյանին, իսկ էմբարգոն նրան իշխանությունից հեռացնելու հերթական քայլն է։
«Ուզում եմ նորից կրկնել Հայաստանի վարչապետի համար. հարգելի՛ Նիկոլ, փախի՛ր։ Փախի՛ր արագ, առանց հետ նայելու ՀԱՊԿ-ից, ԵվրԱզԷՍ-ից, վազիր դեպի Եվրամիություն, ՆԱՏՕ, դեպի նոր տարածաշրջանային միություններ։
Բայց ամենակարևորը՝ փախի՛ր Ռուսաստանից, փրկիր քեզ և հայոց պետականությունը։ Պուտինը նման է բուլդոգի. նա կծում է ու բաց չի թողնում, քանի դեռ ատամները չի սեղմել։ Խուսափեք դրանից՝ ողջ մնալու համար:
Կարդացեք նաև
Համոզված եմ՝ դեռ ուշ չէ: Եվ դադարեք դանդաղել ու տատանվել: Ուշացումը նման է մահվան», – գրել է Սաակաշվիլին:
