Գյումրու սրտում՝ «Կումայրի» արգելոց- թանգարանի տարածքում գտնվող Աբովյան ճեմափողոցում երկհարկանի պատմական կառույցների կողքին, վեր է հառնում չորս հարկանի մի կիսակառույց, որը սկսած Սամվել Բալասանյանի կառավարման առաջին տարիներից արգելվեց ավարտին հասցնել՝ արգելոց-թանգարանի տեսքը խաթարելու, քաղաքի պատմական միջուկին անհարիր լինելու, քաղաքաշինական նորմերը չպահպանելու պատճառաբանությամբ։
Այդ կառույցը պատկանում է Գյումրու նախկին քաղաքապետ Վարդան Ղուկասյանին։
Aravot.am-ը «Կումայրի» արգելոց-թանգարանի տարածքի վերականգնման ծրագրի շուրջ քննարկման հրավիրված ՀՀ վաստակավոր ճարտարապետ, Գյումրու նախկին գլխավոր ճարտարապետ, «Կումայրի» արգելոց-թանգարանի հիմնադիր Սաշուր Քալաշյանին հարցրեց՝ ինչպե՞ս լուծել այդ հարցը, ի՞նչ մասնագիտական խորհուրդ կտա։
«Քանդել, ես ինչքան գիտեմ որոշումը կայացվել է երկու հարկը թողնել, երկու հարկը քանդել, բայց չի արվում», – ասաց Սաշուր Քալաշյանը՝ նշելով, երբ կառավարությունը հաստատի «Կումայրի» արգելոց-թանգարանի փրկության իր ծրագիրը, այն է՝ երբ ստեղծվի բաց բաժնետիրական ընկերություն, այդ հարցը ևս կլուծվի։
Կարդացեք նաև
Նունե ԱՐԵՎՇԱՏՅԱՆ
Իմ կարծիքով խնդիրը հարկերի հետ չէ կապված կամ ուրիշ բանի, այլ նախանձի հերթական դրսեվորում…