Կամերային երաժշտության ազգային կենտրոնում տեղի ունեցավ «Կարին» ավանդական երգի-պարի խմբի հիմնադիր և գեղարվեստական ղեկավար, Հայաստանի մշակույթի վաստակավոր գործիչ և Արցախյան պատերազմի մասնակից Գագիկ Գինոսյանի վերջին հրաժեշտի արարողությունը։
Աշակերտները նրան ճանապարհեցին Յարխուշտա ռազմական պարով։
Հաջորդեցին հավաքված հոծ բազմության չդադարող ծափահարությունները։
Կարդացեք նաև
Հուզիչ ծեսի ընթացքում մեծ, թե փոքր, տղամարդ, թե կին՝ լալիս էին։
Ավելի ուշ Եռաբլուրում Գագիկ Գինոսյանի հուղարկավորությունը կրկին ուղեկցվել է ազգային երգերով ու «Յարխուշտա» պարով։
Որքանով տեղյակ եմ, հայ իրականության մեջ սա աննախադեպ իրադարձություն է, երբ հուղարկավորությունն ուղեկցվել է ազգային երգերով ու ռազմական պարով։ Սա նշանակում է որ Գագիկ Գինոսյանը մեր Հայրենիքին նվիրվել է անմնացորդ – թե իր ապրած կյանքով, թե նույնիսկ իր հուղարկավորությամբ։
Հիշատակդ վառ կմնա մեր սրտերում, սիրելի Եղբայր և մենք կրկին ու կրկին ենք դիտելու և կարդալու քո զուլալ մտքերը, ակունքային երգերն ու ազգային խրոխտ պարերը, վարակվենք քո հայկականությամբ և փորձենք հասկանալ այն գլխավորը, որը դու հասկացել ես վաղուց, իսկ մենք անարդյունավետ որոնում ենք դա տարիներով։