Պարզել և տալ իրավական գնահատական Կարմիր խաչ ընկերության կողմից իրավապահներին ուղղված մեկ տասնյակի հասնող դիմումներին ընթացք չտալուն․ Լեւոն Բաղդասարյան

 Հայտարարություն հանցագործության մասին

Կարմիր խաչի ընկերության հետ կապված անօրինական զարգացումներ են գնում, փորձ է արվում պարալիզացնել ընկերության աշխատանքը, ներխուժել ընկերության գրասենյակներ, հրահրել անկարգություններ։ Ներկայանում են Կարմիր խաչի անվան տակ իբր արտահերթ համագումարում ընտրված նոր նախագահության անդամներ և նոր նախագահ, ինչը ծանր հանցագործության տեսակ է, քանի որ.

1.Կարմիր խաչի նախագահությունը մերժել է արտահերթ համագումար նշանակելու դիմումը, ինչը չի բողոքարկվել և ուժի մեջ է մտել հրապարակման պահից, ըստ իմպերատիվ գործող իրավական ակտի, կանոնադրության, սակայն այն անտեսելով՝ Կարմիր խաչի նախագահության անվան տակ տեղի է ունեցել «արտահերթ համագումար», «ընտրել» են նոր նախագահության անդամներ, նախագահ, որի վերաբերյալ հայտարարություն է արել նախկին գործադիր տնօրեն Աննա Եղիազարյանը։

Կատարվել են ծանր հանցագործություններ կազմակերպված խմբի կողմից.

Կարդացեք նաև

Կարմիր խաչի ու ՌԴ խաղաղապահ զորակազմի դուրսբերումն Արցախից բարձրացնում է այնտեղ նորանոր ադրբեջանական հանցագործությունների հավանականությունը. «Արցախ Միություն»

• 21:35 19.04.2024

1 տարեկան երեխայի վիճակը գնահատվել է ծանր․ Շուշան Դանիելյան

• 13:04 15.04.2024

«Հայկական «Կարմիր Խաչը» վերածել եք ընտանեկան բիզնեսի», «Ի՞նչ է նշանակում բիզնես, սա հասարակական կազմակերպություն է». Թեժ բանավեճ

• 20:10 19.02.2024

1.Արտահերթ համագումարի անցկացումն արգելված է առանց նախագահության որոշման։ Նախագահությունը մերժել է, սակայն մերժումն անտեսվել է։

2.Նախագահության կազմի փոփոխության, նոր նախագահի ընտրության իրավունքը վերապահված է բացառապես հերթական համագումարով, այլ ոչ արտահերթ համագումարով։ Արտահերթ համագումար տեղի է ունենում հրատապ հարցեր քննարկելու համար, իսկ հերթական համագումարի օրն արդեն իսկ նշանակված է եղել մեկ և կես ամիս անց, ապրիլի ութին։

3.Արտահերթ համագումար հրավիրած նախաձեռնող խմբի անուն, ազգանունները բացակայում են։ Հայտնի չէ տվյալ անձանց իսկությունը։

4.Համացանցում տարածվել է ձայնագրություն կազմակերպված խմբի կողմից, ոմն Հայկի, որ տեղեկացնեն ինչ որ խմբերի, որ հանձնարարություն ունեն մտնելու օֆիս, նկատի ունի Կարմիր խաչի գրասենյակը, անհրաժեշտ է գրասենյակ մտնող անձանց անուններն ու հեռախոսի համարները։

 ՊԱՀԱՆՋՈՒՄ ԵՄ

Անհապաղ նախաձեռնել քրեական վարույթ, միջոցներ ձեռնարկել ճշտելու պատվիրատուներին, կատարողներին։

Կանխարգելել 19.02.2024 թվականին առավոտյան Կարմիր խաչի կենտրոնական գրասենյակի վրա նախատեսվող ներխուժումը, ապահովել շենքում գտնվող աշխատակիցների անվտանգությունը։

Պարզել և տալ իրավական գնահատական Կարմիր խաչ ընկերության կողմից իրավապահներին ուղղված մեկ տասնյակի հասնող դիմումներին ընթացք չտալուն, հանցագործությունները չկանխարգելուն, մեղավորներին չհայտնաբերելուն։

 Հայկական կարմիր խաչի ընկերության, նախագահության, գլխավոր քարտուղարի ներկայացուցիչ՝

 փաստաբան Լևոն Բաղդասարյան