«Արևմուտքը մեզ համար շատ կարևոր գործընկեր է, բայց ճիշտ նշված նշաձողերի և ճիշտ օրակարգի պայմաններում»,- այսօր «Հայկական օրակարգ» նախագծի՝ «Ինչպե՞ս փոխել Հայաստանն աղետի տանող ընթացքը» թեմայով քննարկման ժամանակ կարծիք հայտնեց քաղաքագետ Սուրեն Սուրենյանցը։
Հիշեցնենք, օրերս ԵԽ-ն ընդունեց ԵՄ-ին անդամակցելու ՀՀ թեկնածության հնարավորությունը դիտարկել առաջարկող բանաձեւը։
Քաղաքագետի դիտարկմամբ, ՀՀ նախկին երեք նախագահների պաշտոնավարման շրջանում Եվրոպայի հետ բավական հավասարակշռված քաղաքականություն է վարվել․ Լևոն Տեր-Պետրոսյանի օրոք դա կոչվում էր հավասարակշիռ արտաքին քաղաքականություն, Ռոբերտ Քոչարյանի օրոք՝ կոմպլեմենտար քաղաքականություն, բայց էությունն առանձնապես տարբեր չէր, իսկ Սերժ Սարգսյանի օրոք կոչվում էր «և-և»-ի քաղաքականություն, բայց էությունը նույնն էր:
Կարդացեք նաև
«Օրինակ, մենք ԵԱՏՄ անդամ դարձանք, բայց 2017-ին CEPA-ն ստորագրեցինք: Հիմա Հայաստանի և Եվրամիության հարաբերությունները նույն CEPA-ին չեն ձգում: Ուզում եմ ասել՝ մենք CEPA-ն գերազանցող ոչ մի բան չենք արել: Ընդհակառակը, մենք մեր չմտածված քաղաքականության արդյունքում օգնում ենք, որ ԵՄ-ն իր ստանձնած պարտավորություններից հրաժարվի: Ինստիտուցիոնալ հիմքի վրա ստեղծված համագործակցության փոխարեն՝ մենք գնում ենք աշխարհաքաղաքական հակամարտության թիրախ դառնալու, որն ամենավտանգավոր բանն է: Ու ամենևին վատ կինոնկարի ժանրից չի, որ հերթական պրոքսի-տարածքը, ուր շատ թեժ կարող է լինել, կարող է դառնալ Հայաստանը»,- ասաց Սուրեն Սուրենյանցը:
Այլ մանրամասները՝ տեսանյութում
Նելլի ԳՐԻԳՈՐՅԱՆ
