Մարդու իրավունքների պաշտպան Անահիտ Մանասյանն ապրիլի 19-ին ընդունել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Մեհդի Սոբհանիի գլխավորած պատվիրակությանը։
Ողջունելով հյուրերին՝ Անահիտ Մանասյանը ներկայացրել է Պաշտպանի աշխատանքի ուղղությունները՝ այս համատեքստում անդրադառնալով Հայաստանում գտնվող օտարերկրյա քաղաքացիների, այդ թվում՝ իրանցիների իրավունքների պաշտպանությանը:
Պաշտպանը նշել է, որ վերոնշյալ անձանց իրավունքների պաշտպանության հարցերը գտնվում են անձամբ իր ուշադրության ներքո։
Կարդացեք նաև
Անահիտ Մանասյանը ներկայացրել է Լեռնային Ղարաբաղից բռնի տեղահանված անձանց իրավունքների պաշտպանությանն առնչվող հարցեր, հատուկ անդրադարձել անձամբ իր և աշխատակազմի կողմից իրականացված փաստահավաք աշխատանքներին։
Քննարկվել է նաև ՀՀ սահմանամերձ բնակավայրերի բնակիչների իրավունքների պաշտպանության վիճակը։ Անահիտ Մանասյանն այս համատեքստում ընդգծել է, որ քաղաքական որևէ հանգամանք չի կարող գերակայել մարդու իրավունքների պաշտպանության ու երաշխավորման անհրաժեշտության նկատմամբ:
Իր հերթին դեսպան Մեհդի Սոբհանին շնորհակալություն է հայտնել ընդունելության համար և կարևորել Պաշտպանի հաստատության դերը մարդու իրավունքների պաշտպանության առաքելության իրականացման գործում։
ՀՀ Մարդու իրավունքների պաշտպանի գրասենյակ
Մարդու իրավունքների պաշտպան կոչեցյալ, ընդհանուր լոլոներ ասելու համար շատ խելք պետք չի ունենալ, իսկ քո պարտականությունները կատարելու հարցում դու ոչինչ չես անում: Օրինակ՝ ո՞րն է անձամբ քո դիրքորոշումը Սամվել Վարդանյանի նկատմամբ կիրառված բռնությունների վերաբերյալ: Այդ թեմայով դու պարտավոր էիր իշխանություններին խիստ ու հետևողական դատապարտեիր, բռնություն գործադրած նիկոլահպատակ դիմակավոր թուլաներին բացահայտելու ուղղությամբ քննչական կոմիտեին ու ոստիկանությանը ցեխը կոխեիր և այդ հարցով քո միջազգային գործընկերներին ակտիվացնեիր: Բայց դու դա չես անում, որովհետև նիկոլի դրածոն ես, նրա հրահանգներն ես կատարում և հանդիսանում ես որպես ձևական ՄԻՊ: Մինչդեռ մեզ սկզբունքային ու համարձակ ՄԻՊ է պետք, մանավանդ ներկայիս բռնապետության ժամանակ:
Չես էլ ամաչում, պարսիկներն են նախաձեռնում ՀՀ սահմանամերձ բնակավայրերի բնակչության իրավունքների պաշտպանության հարցերը, իսկ դու մինչև հիմա ձև ես բռնում թե ամեն ինչ քո ուշադրության կենտրոնում է: