Հայաստանում քաղբանտարկյալներ չկան․ կառավարության նիստից հետո լրագրողների հետ զրույցում ասաց ՀՀ արդարադատության նորանշանակ նախարար Սրբուհի Գալյանը։
«Բոլոր քրեական գործերը, որոնք հարուցվել են, հարուցվել են կոնկրետ հնարավոր հանցավոր արարքներին որպես հակազդեցություն»,- պնդեց նա։
Կիսո՞ւմ եք Նիկոլ Փաշինյանի վարած քաղաքականության ամբողջ պատասխանատվությունը՝ հարցին, Սրբուհի Գալյանը պատասխանեց․ «Եթե չկիսեի, այստեղ չէի լինի»։
Ավելի ուշ ուղիղ հարցին՝ կիսո՞ւմ է տեսակետը, որ Արցախը պետք է լինի Ադրբեջանի կազմում, Սրբուհի Գալյանը պատասխանեց, որ կիսում է խաղաղության տեսլականի եւ պայմանագրի մասին Նիկոլ Փաշինյանի բոլոր արտահայտած տեսակետները, հավատում է «իրական Հայաստանի» գաղափարին, որպեսզի մեր երկրում խաղաղ ու անվտանգ միջավայր հաստատվի։
Կարդացեք նաև
Նա հայտարարեց, որ խաղաղության ողջ գործընթացի իրավական ուղեկցման պատասխանատվությունը ստանձնել է եւ գիտակցված որոշումով, բայց պայմանագրին դեռ չի հասցրել ծանոթանալ, ուստի այդ մասին հարցերին չպատասխանեց։
Մանրամասները՝ տեսանյութում
Նելլի ԳՐԻԳՈՐՅԱՆ
