«Գորիսը ամենաակտիվ համայնքն է, որտեղ բնակարանաշինարարական ծրագրեր են իրականացվում։ Այլ համայնքներում, բացի կառավարության կողմից իրականացվող սոցիալական 16 մլն դրամի ծրագրից՝ ինձ հայտնի չի»,-նախօրեին՝ լրագրողների հետ ճեպազրույցում ասաց Սյունիքի մարզպետ Ռոբերտ Ղուկասյանը։ Վերջինս Գորիսում մասնակցեց սոցիալական տան բացմանը։ 18 ընտանիք այսուհետեւ կապրեն հարմարավետ բնակարաններում։ Շահառուների մեջ են ինչպես համայնքի բնակիչներ, այնպես էլ Արցախից բռնի տեղահանված եւ Գորիսում ժամանակավորապես ապաստանած ընտանիքներ։ Ծրագրի ընդհանուր արժեքը 200 մլն դրամ է։
Սյունիքի մարզպետն անդրադարձավ նաեւ վերջին օրերին հակառակորդի կողմից մարզի սահմանամերձ բնակավայրերի թիրախավորմանը։ Նրա խոսքով՝ կրակոցները գիշերվա ժամերին են լինում։ «Շատ վատ է, որ կրակում են, որովհետեւ դա իրականում խնդիր է նաեւ մարզի դիմադրողականության իմաստով։ Բայց մյուս կողմից մենք այսպիսի միջոցառումներ ենք անում, որ մարզը հանկարծ ոչ մի վայրկյան իր դիմադրողականությունը չկորցնի։ Եվ հույս ունենք, որ շատ կարճ ապագայում առաջիկայում այս խնդիրը կլուծվի», -ասաց Ռոբերտ Ղուկասյանը։
Մանրամասները՝ տեսանյութում
Կարդացեք նաև
Արմեն ԴԱՎԹՅԱՆ
