«Մեր արտաքին հարաբերություները շատ բաց ու տեսանելի են հասարակության համար, բայց ռազմական առումով մենք շարունակում ենք ապավինել մեզ՝ մեր արտաքին քաղաքականությանը, մեր տնտեսությանը եւ, բնական է, ՀՀ բանակին»,- այսօր հրավիրած ասուլիսում ասաց պաշտպանության նախարար Սուրեն Պապիկյանը։
Նա հավելեց․ «Ես շնորհակալ կլինեի ձեզնից լսելու՝ այդ որ դաշնակիցը պիտի աճապարի գա մեզ փրկելու, բայց չհասցնի, ինչպես միշտ։ Մենք մեր հույսը դնում ենք մեզ վրա։ Եվ նաեւ այս համատեքստում կարծում եմ, որ խաղաղությունն այն ճանապարհն է, որը կչեզոքացնի ռիսկերը, այդ թվում՝ նաեւ ինչ-որ մեկի կողմից մեզ օգնելու շտապողականության մասին»։
Անդրադառնալով ՀՀ ԶՈւ գլխավոր շտաբի նախկին պետ Մովսես Հակոբյանի հայտարարություններին՝ 44-օրյա պատերազմում պարտվելու պատճառների մասին, Սուրեն Պապիկյանն ասաց․ «Մովսես Հակոբյանը գուցե ունենա ամոթ եւ լռի։ Ես հորդորում եմ լռել ու ծպտուն չհանել, որովհետեւ դա իրենց գործունեության հետեւանքն է, որի պատասխանատվությունն ամբողջությամբ փորձում են բարդել միայն մեզ վրա»։
Մանրամասները՝ տեսանյութում
Կարդացեք նաև
Սուրեն Պապիկյանն ասաց, որ այս պահին հայ-իրանական զորավարժություններ պլանավորված չեն։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
