Ապրիլի 15-ին Երևանում տեղի ունեցավ ԵՄ–Հայաստան քաղաքացիական հասարակության հարթակի 8-րդ հանդիպումը՝ պետական, եվրոպական և քաղաքացիական հատվածների ներկայացուցիչների մասնակցությամբ քննարկելու CEPA-ի շրջանակում իրականացվող բարեփոխումները և դրանց ազդեցությունը։
«Իրավունքների պաշտպանություն առանց սահմանների» ՀԿ իրավական փորձագետ Հասմիկ Հարությունյանը որպես խոսնակ մասնակցեց ժողովրդավարական դիմակայունության ամրապնդման և վիզաների ազատականացման գործընթացին վերաբերյալ պանելային քննարկմանը։
Իր ելույթում Հասմիկ Հարությունյանը անդրադարձավ մարդու իրավունքների պաշտպանության ոլորտում առկա համակարգային խնդիրներին՝ շեշտելով, որ, չնայած առկա ռազմավարություններին և հանձնառություններին, գործնականում փոփոխությունները հաճախ մնում են ձևական։
«Չնայած CEPA-ի շրջանակում ստանձնած պարտավորություններին և արդեն իսկ ձեռնարկված քայլերին, Հայաստանում մարդու իրավունքների պաշտպանության ոլորտում համակարգային բարեփոխումներ դեռևս չեն իրականացվել։ Առկա քայլերը հաճախ կրում են ձևական բնույթ և չեն ապահովում իրական փոփոխություն», — նշեց նա։
Կարդացեք նաև
Հասմիկ Հարությունյանը նաև ընդգծեց, որ խնդիրները փոխկապակցված են՝ սկսած օրենսդրական բարեփոխումների դանդաղ ընթացքից մինչև կալանքի անհամաչափ կիրառումը, խոսքի ազատության սահմանափակումներն ու դատական համակարգի արդյունավետության պակասը։ Նրա խոսքով՝ անհրաժեշտ է անցում կատարել ձևական մոտեցումներից դեպի իրական, չափելի և հաշվետվողական բարեփոխումների։
Իրավունքների պաշտպանություն առանց սահմանների ՀԿ
