«Վաղարշակ Հարությունյանը Հայաստանում է։ Ինչի՞ պետք է ՌԴ-ում լինի։ Որոշ կենտրոններից բամբասանքներ փորձեցին տարածել։ Այսօր Վաղարշակ Հարությունյանի տեղեկանքը հանձնել ենք ԿԸՀ, որը ստացել ենք ՀՀ պետական լիազոր մարմնից, հետևաբար այդ հարցերի հնչեցումը ստի և կեղծիքի տարածում է»,- հարցին՝ ձեր կուսակցության վարչապետի թեկնածու Վաղարշակ Հարությունյանը վարչապետ դառնալու արգելք չունի՞, իրենց կուսակցության փաստաթղթերը հանձնելուց հետո ԿԸՀ բակում լրագրողների հետ ճեպազրույցում այսպես պատասխանեց Ռեֆորմիստներ կուսակցության նախագահ Վահան Բաբայանը։
Նշեց, որ իրենց ցուցակը 80-ից ավելի անձանցից է բաղկացած։
Հարցին՝ ո՞ր ուժերի հետ եք պատրաստ համագործակցել, Վահան Բաբայանը, ի պատասխան, ասաց, որ դեռ վաղ է դրա մասին խոսել և վստահեցրեց՝ իրենք անպայման կլինեն խորհրդարանում․ «Հանրությունը ձայն է տալիս մեր կուսակցությանը, ծրագրերին, թող մարդիկ գան, մեզ հետ կոալիցիա կազմեն, եթե ուզում են»։
Կարդացեք նաև
Քաղաքական ուժերի՝ ԿԸՀ ընտրություններին մասնակցելու հայտեր ներկայացնելու գործընթացն ամբողջությամբ՝ տեսանյութում։
Տաթև ՀԱՐՈՒԹՅՈՒՆՅԱՆ
