Երաշխավորված խաղաղություն՝ հավասարակշռված արտաքին քաղաքականության տրամաբանության մեջ, Ադրբեջանի հետ հարաբերությունների կարգավորում, որն իրենից ենթադրում է «բացառիկ եւ բացարձակ ասպեկտներ, որտեղ շահը հայոց պետությունն ու պետականությունն է լինելու»․ այսօր կայացած ասուլիսում հայտարարեց «Առաջարկ Հայաստանին» թիմի նախընտրական ցուցակում ընդգրկված, ԲՀԿ խոսնակ Իվետա Տոնոյանը՝ ներկայացնելով ԲՀԿ նախընտրական ծրագրի հիմնական թեզերը։
ԲՀԿ-ն այսօր ներկայացրեց ծրագրային դրույթները։ ԲՀԿ-ն, հիշեցնենք, ընտրություններին մասնակցում է «Առաջարկ Հայաստանին» ծրագրով։ Ծրագրի հիմնական առաջարկները 10-ն են, սկզբունքային թեզերը վերաբերվում են երաշխավորված խաղաղությանը եւ հավասարակշռված արտաքին քաղաքականությանը։
Հաջորդ առաջնահերթությունը միջազգային տնտեսական եւ տրանսպորտային փոխկապակցվածությունն է։ Բանակը՝ ԲՀԿ-ում համարում են անվտանգության հիմնական երաշխիքը։ Խոստանում են նաեւ մրցունակ տնտեսություն եւ բարենպաստ հարկային միջավայր՝ «վարկային գերության եւ բանկային ռեկետի» բացառմամբ, արժանապատիվ թոշակ, անվճար կրթություն եւ սոցիալական համերաշխություն։
«Երաշխավորված խաղաղություն, բարգավաճ Հայաստան» կարգախոսով է թիմը մասնակցելու առաջիկա ընտրություններին։
Կարդացեք նաև
Նախընտրական ցուցակում 107 թեկնածու է, երեքը՝ ազգային փոքրամասնության ներկայացուցիչներ։
«Երաշխավորված խաղաղություն, բարգավաճ Հայաստան» կարգախոսով է «Առաջարկ Հայաստանին» թիմը մասնակցելու առաջիկա ընտրություններին։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
